我買咗山水鮮豆漿呀! 呢盒係946ml, 咁就用哂一盒啦.
份量: 豆漿946 ml, 石膏粉(食用) 1 茶匙, 生粉 1 茶匙
用了大概46ml豆漿, 先將石膏粉及生粉拌勻, 其餘900ml 用小鍋煲滾熄火
諗著有保溫作用, 我用了Shuttle Chef... 將溶了的石膏粉&生粉的豆漿先放鍋底...一落就覺得有問題...覺得個鍋太大...不過已經落咗算啦.
跟著將已滾豆漿提高撞入煲內...一公升豆漿....個煲真係太大啦.
加布蓋好(防水蒸氣), 再加蓋
仲加多一層
30分鐘後.....點解咁樣嘅, 好似無咩凝固喎
原來面層無凝固, 只有底層凝固了...
無法啦....都係照食....半豆漿半豆花.....咁都好味嘅...呢款豆漿好滑..
不過整成咁....失敗啦....
**********************************************************************************************
July 16, 2013, 星期二
唔緊要, 失敗乃成功之母.....五號屋點會就咁算, 梗係要再整過啦.
今次唔用咁大個鍋, 用一個有蓋小砂鍋
今次跟玻璃朱用豆腐主義....話無糖, 其實都係有架....的鈉嘅份量仲好高添...不過買嚟試吓無問題
呢樽585 ml
用了大概45ml豆漿開溶半茶匙食用石膏粉&半茶匙生粉
其餘嘅豆漿就用小錮煮滾, 熄火
將熱豆漿撞入前, 先再拌勻砂鍋內的石膏粉豆漿
撞好啦...個砂鍋啱啱好夠呢個份量... 咦, 無咩泡. 山水豆漿多的泡喎..
加布蓋好, 用蓋好, 靜置30分鐘....呢個蓋可以用嚟做碗...哈, 食完洗少隻碗呀!
30分鐘後.....掂呀! 凝固得好好呀!
用個鑊鏟....睇吓, 好靚嘅豆腐花呀!
預備了紅糖
都唔使煮糖水...我地喜歡加紅糖呀!
我就用個砂鍋嚟食....
型爸二公子都比個like 呀!
好味喎...不過好似山水豆漿仲滑的呀!
我另外買了一枝First Choice嘅低糖豆漿
呢枝一公升裝, 我要整多的呀....585 ml 太少, Ruby無得食呀!
型爸二公子都比個like 呀!
好味喎...不過好似山水豆漿仲滑的呀!
我另外買了一枝First Choice嘅低糖豆漿
呢枝一公升裝, 我要整多的呀....585 ml 太少, Ruby無得食呀!
鈉嘅份量少的呀!
下次整完再update....
下次整完再update....
沒有留言:
張貼留言