咕嚕雞球 + 鹹檸檬蒸烏頭

March 29, 2014, Saturday Night

呢排天氣潮濕, 令到個人都好似懶洋洋.  雖然帶咗阿天王返屋企, 但我同型爸會繼續去按摩, 做吓推油, 對皮膚都好的麻

星期六無咩好做, 早上十一點幾就出門, 午飯都唔食, 就去按摩推油.  早出門未到五點就返到屋企, 二公子剛放工,問出唔出街食.  吓, 啱啱返到屋企又出街.  型爸又話不如買的靚牛肉返嚟打邊爐(吓, 又打邊爐).  我啱啱先話唔想出街, 又要出去買牛肉.... 我話事, 唔出就唔出.

整幾味都唔係難事啫.

本來諗著整菠蘿咕嚕雞, 後尾先發現上次礶菠蘿月咗, 咁就用洋蔥青椒蕃茄做配菜啦.

 

浸埋咁多鹹檸檬, 都要用吓架, 鹹檸檬蒸烏頭

 

  
 蝦米炒椰菜.   上次買咗的即食筍, 唔記得加埋落去炒添


仲有呢個昨天飲唔哂嘅車北杏雪耳木瓜湯.  如果出街食, 呢的湯又要倒咗佢啦.

家常小菜三個人食, ok 啦.  二公子明天放假, 明晚先出去食啦.

餐後鄰居又過嚟聚一聚呀!

 

男士飲whisky, 但我地女士唔一定飲酒, 飲水都得架.   Mrs Kua喉嚨唔舒服, 明天佢地又出門, 都係唔好飲酒啦.

攞咗好多小食出嚟, Mrs Kua有豬肉紙, 陶媽有風乾豬腿, 我再擮的杏脯, 魚乾.   哈哈, 小食都一大堆呀!