惠州客家菜

April 10, 2014, Thursday Night

由機場開車到家都唔使一個鐘, 返到屋企, 有Loki飛撲過來迎接我, 不停鍚鍚鍚, 錫到我差不多跌落地下.

型爸二公子都等我一起出去食晚飯.   我心情好, 不如去粉嶺嗰間餐廳食啦, weekday應該唔使book.   點合二公子話無胃口, 唔食西餐, 求其食的得啦.

型爸就提議去上水那間客家小店

呢間叫惠州客家菜, 我地經過好幾次都無入去試過

 

店內只有幾張檯, 但奇怪在店外的檯比店內還多, 可能有些客人喜歡在店外, 可以食煙啩.

  
送的蓮藕花生豬骨湯

來這裡, 當然想食客家菜, 但鹽焗雞東江豆腐都無.    只有一兩個廚師, 上菜很慢.

要了鹹菜炆鴨, 又幾好味喎

二公子去邊道都係叫粉絲肥牛煲, 我就覺得麻麻

要了蒸三寶, (哈哈, 唔係煎釀三寶呀!) 本來三寶係魷魚乾, 瀨尿蝦乾及蝦乾, 無蝦乾(咁貴)變了魚乾.   呢碟用嚟送酒慢慢啃啱, 送飯都有的鹹.

等到食完哂, 呢碟紅燒豆腐.先嚟

呢道的小菜都ok, 不過就真係慢慢慢啦, 平時我地泊車一小時之內就會食完, 今次要比多一小時停車場啦.

出完差返嚟, 好想放假, 但明天星期五, 要返工呀!   不過即時安慰自己, 返多一日就放假...馬上開心哂!