去拜山, 通常都會買燒肉同雞. 上星期日去拜老爺, 奶奶都係去燒味檔買雞, 燒鴨&燒肉, 價錢都好貴架.
呢幾年我地去拜爸爸, 燒肉雞都係自家整, 唔係去燒味檔買. 不過唔係我整, 我教了嫂嫂, 嫂嫂再教工人姐姐整. 一次整兩份燒肉, 兩隻蒸雞. 一份用來拜祖母, 另一份拜爸爸.
蒸雞其實十分容易, 焗燒肉就需要多的時間. 早一日醃好, 第二早上拿出來焗大概一個小時就可以. 自己整真係慳好多, 更新鮮皮脆.
通常哥哥先拿一份祭品到山上拜祖母, 而我就帶著另一份去拜爸爸. 哥哥拜完祖母就會到來跟我們會合. 拜完山, 其中一份就拿去媽媽家, 工人姐姐己煮好午飯, 再加埋的燒肉雞, 非常豐富. 而另外一份, 哥哥要我帶回家.
昨晚出去旦王花吃泰菜, 今天晚上才吃那份燒肉雞.
已經教Ruby怎樣翻熱, 不過我有我講, 佢有佢唔聽. 叫佢用錫紙摺好紙兜包好燒肉, 豬皮向上, 好似平時我焗燒肉一樣. 但返到屋企, 佢用錫紙包哂成嚿燒肉嚟焗, 唉, 咁焗的皮點會脆. 當我同佢講唔係咁包呀, 佢仲要辯駁話包唒全嚿唔會燶. 唯有即時攞嚿燒肉出嚟, 從新再包過. 到我打開嚿燒肉, 的皮腍哂佢先唔出聲. 做咗三年幾, 成日都仲係我有我講, 佢有佢做法. 其實佢真係聽唔明, 用咗自己嘅想法, 再加上佢成日顧著玩手機, 一係whatsapp, 一係睇電影, 個心散哂. 算啦, 佢都唔會續約, 遲的我要再train一個新姐姐.
馬上將錫紙變成紙兜, 的豬皮腍咗, 我用义再插多幾吓, 再放入去焗. 好彩嚿燒肉都救得到.
睇吓, 一樣脆皮呀, 不過的肉就乾咗的啦. 如果的皮腍哂, 呢碟就要改煮法, 可能要變豆腐火腩煲啦.
沒有留言:
張貼留言