一小時西餐

April 3, 2014, Thursday Night

又到星期四, 放工早的走, 開車回家時, 可以收聽逢星期四晚上六點至七點時段 Give me 5, 講鬼故.   通常都無機會聽哂, 聽少少都好吖.

星期四Ruby放假, 今日唔出去食呀, 型爸話要响屋企食西餐, 我返工前已經將牛扒由冰櫃放入雪櫃解凍, 晚上返到屋企, 只需將真空包裝嘅牛扒, 連包裝放入水沖沖就完全解凍啦.

第一時間唔係煎牛扒, 而係切好小法包, 加入蒜蓉, 連同拌碟的蔬菜餅(宜家買的)入焗爐.  先預熱焗爐200c 焗20分鐘, 小法包要早5分鐘出爐呢.

 入咗爐就開始煲湯, 哈哈, 快速就梗係煲礶頭湯啦. 海鮮蘑菇湯

 我加了半礶水, 半礶奶, 顏色靚的, 味道都好的呀!

煲緊湯, 又開始煎牛扒

 哈哈, 牛扒幾分鐘就煎好, 格仔牛扒, 無難道呢!

 

 蒜蓉麵包先出爐

 

 睇吓呢的厚厚的蒜蓉粒, 係平時切好哂入樽用油浸著的生蒜粒.  用嚟炒餸方便, 而家用嚟鋪上麵包一樣方便.

 餐湯配蒜蓉包....好好味呀!   型爸問仲有無得添飲, sorry 囉, 一礶煮兩碗湯, 麵包都係限定呀!

 牛扒同蔬菜餅都得啦, 呢塊係西冷

 呢塊係肉眼

 
 我地share 嚟食.

  
 肉眼大塊薄少少, 熟的啱我.   西冷厚的, medium rare, 生少少啱型爸.

 
 唔需特別調味, 黑胡椒加海鹽就ok啦.

 型爸大份的, 我細份的.

呢餐好滿意呀! 係少咗的沙律菜啫.  不過有蔬菜餅已經好好味啦.

我七點零五分返到屋企, 七時五十五分已經食完坐咗喺梳化休息.  呢餐連煮加食埋, 都唔使一小時, 真係快靚正.

哈哈, 不過以上時間無包洗碗, 因為Ruby已經返咗嚟, 佢話佢洗, 咁我梗係落得輕鬆啦.