激辛芥末魚堡

April 5, 2014, Saturday, 清明節

呢排都係忙忙, 上兩星期分別提早去掃墓, 今日就唔需要再去迫啦.  其實有的人早的去, 有的人正去, 又有的人遲的掃墓, 咁都好嘅, 分開的人流, 交通唔使咁擠塞.

好耐都整理吓三千煩惱, 趁今日去攪攪佢.   要去到香港仔呀, 因為相熟兼朋友髮型師, 鋪頭開响嗰區, 要幫襯就要去咁遠.

哈哈, 今日情商私人柴可夫司機接送, 咁就唔會覺得好遠啦.

為咗感謝佢, 我請佢去麥當勞呀!

其實係我睇見電視賣廣, 講到個激辛芥末魚堡好似好好味咁, 我想試吓呀!  (上次食麥當勞, 好似係去年嘅黑白漢堡)

咁型爸做司機, 我梗係要慰勞吓佢, 佢話要雙層黑椒漢堡, 即係買比佢, HK$36.9 一個套餐
仍打開個包比我睇, 好多黑椒汁喎.... 我無咬佢一啖呀!

佢就慢慢堂食.

我就買咗個芥末魚堡套餐( HK$29.60)上去髮型屋食, 慳的時間麻.

呢, 個芥末魚堡係咁

打開, 好少生菜, 好少醬汁, 同電視睇嘅係絕對唔一樣.

食落, 當然都唔係好似賣廣告咁滋味啦.   一的都唔激辛, 真係一的辛都無(佢有無犯咗產品說明條例呢?)   食落咪即係加咗芝士嘅魚柳包囉.   咁唔難食嘅, 如果佢地比多的醬汁, 應該會好好多.

多謝型爸,周圍逛等咗我兩個鐘....型爸, 你是最好的!