第二號飯堂

April 3, 2014, Thursday afternoon

自從新森林焗之專門店成為我地新一號飯堂後, 好多時我地都諗著去食, 但又唔想去咁多次, 去得多又厭, 盡量一星期一次好啦.

今日去我地第二號飯堂, 新曼谷泰國餐廳, 嘻嘻, 兩間飯堂都响寶勒巷, 遠就真係遠咗的, 但無辨法, 响尖東仲未搵到我地嘅理想飯堂.

飯桶同事第一時間叫咗呢款燒豬頸肉飯, HK$38, 做得唔錯, 個汁都幾好味.

平時我同另一位同事都喜歡叫一碗湯河粉就算, 但同事今話想食炒飯, 要同我share, 咁遷就吓佢叫炒河同佢share一齊食.

 

叫了乾炒豬頸肉河, 炒得唔錯, 仲好大碟添.  我地每人已挾起一小碟都仲有咁多.

仲有呢碟蝦醬炒飯, HK$40, 送來時好香的蝦醬味.

 
我同另一位同事跟本無法食得哂, 好彩有飯桶同事幫忙, 食唔哂的炒飯有佢幫手, 唔使嘥野或勉強食落去.

 

每碟野都包一款餐飲, 真係好抵食.   

我地坐落時先見到另一檯 五位, 又係我地的同事, 咁抵食, 味道又唔錯, 行遠的嚟食都要啦.