潮福蒸汽石鍋

Jan 5, 2017, Thursday

呢幾日真係忙到傻咗, 早上六點幾起身, 八點半之前要返到公司, 晚上差原多八點幾先走, 對鐘...未來十天, 都係要咁.

雖然好忙, 都係要食飯架.  今天約了舊同學聚餐, 我指明要响尖沙咀, 如果唔係就無法出席, 多戲佢地體諒.

佢地揀咗厚福街潮福蒸汽石鍋, 我都係第一次嚟.

我同客開會, 開到七點幾, 遲哂大到, 因為由公司行嚟, 都要20分鐘.

其中一位同學有事, 只可留一小時, 佢地叫野食先.

我去到佢地食緊, 哈哈, 好彩, 蒸蝦丸仲有一粒.

呢個就係佢地唔知咩咩存熱咩咩的竹蓋...(我就擔心衛生問題, 黑麻麻吸埋咁多味, 點都係洗唔乾淨架啦.

跟著就食完一樣蒸一樣:

先食海解, 跟著係魚, 雞, 最後係和牛

最最最後就係呢鍋粥底

鮮淮山瑤柱粥

埋單每HK$410.   其中有兩樣我覺得好貴, 就係蝦同魚. 海中蝦$488一斤. 海班就HK$544一斤.

個粥底就HK$80.  

比較少出去食蒸汽火鍋, 唔知呢個價錢合唔合理呢!