2017年的一月份, 真的嚐到了非常非常非常忙的滋味, 忙到工作做唔完, 又病又去旅行, 去完旅返嚟仲忙. 結果就係Blog都無時間寫啦... 一停就十幾日.....
由一月三日開始至昨天, 每天都六點幾起床, 晚上超過零晨才睡, 每天的工作都未做完, 第二天又要見客開會, 休息唔夠, 精神壓力又大, 結果就病啦. 病咗睇醫生食藥, 但唔可以休息, 繼續返工, 繼續早起晚睡.....好啦好啦, 捱到一月十三日的客卒之走哂, 雖然仲有好多工作要處理, 都可以延遲幾天, 等我去完旅行返嚟先算啦.
呢次越南之旅, 祈待已久. 明知一月份會好忙, 但今次有鄰居做响道, 又勉強夾到時間, 唔去點得呢! 仲買到個package, 坐國泰premium economy, 包三晚Sofitel, 都只係三千幾文, 真係抵呀! 一行八人, 四對夫婦, 真係好開心.
但等行理就等咗好耐, 成一個鐘都有, 初時以為的行理唔見咗呀! 最終都等得到.
我地換錢時, 個接機大堂都唔算多人.
我地由機場出嚟, 第一站去食越南河粉. 呢間Pho Hoa, 中文名和粉, 好似幾出夠呀!
餐廳門外有的包點小食
一入店內就是煮麵的地方.... 樓下滿座....好熱好似無冷氣咁...
我地上咗兩層....好彩, 呢層無咁多人, 仲有冷氣添.
餐牌上有越南文同英文, 另外一個連中文都有
檯上面已經放備青檸辣椒, 仲有呢的用竹葉包著的東西, 原來行紮肉.
檯上已備濕紙巾, 印了店名及地紙
要了春卷小食.
每人就叫了一碗什錦牛河, 入面有牛肉,牛丸, 牛腸, 牛肚.
埋單930,000....係咪大豪客呢!!! 共實折合港幣, 大約HK310, 八個人食, 都經濟抵食啦
胡志明市好繁忙, 最多的就是電單車, 覺得的空氣質數唔係幾好. 我本來無咩點咳, 但自從由機埸出來, 喉嚨就唔舒服, 係咁咳.
咁就在外面影吓相啦.
呢檔見到好多人幫襯, 原來賣盬焗雞
我地覺得好熱, 想搵間有冷氣的地方....經過見到呢間Ikem
每杯都係即整. 其實我咳, 唔應該食凍野, 但喉嚨很乾, 都食半杯啦.
行到另一條街, 又有新街邊小食. 共中一位鄰居忍唔著, 又試吓. 不過我地就唔敢食啦. 唔係怕唔乾淨, 係怕膽固醇高呀. 我地見到佢用植物牛油, 又落咗兩隻鵪鶉蛋, 真係唔敢試啦.
米紙餅煨好捲起就食得....哈哈, 在家自己整改用雞蛋可能好的啦.
返到酒店休息一陣, 我地出發去食晚餐
由室內影出去, 好似滿天星星朋友介紹呢款蓮子冰茶, 男士就飲呢款333越南啤酒
今晚晚餐布:
跟著大家要了越南咖啡
仲有三款甜品, 椰汁栗米, 芋蓉及眉豆
食完仲有節目...那位當地朋友有我地去Jazz bar
Jazz bar 九點先有表演, 我地八點幾就到, 朋友話一家要早的到, 唔係一陣就無位.
直至餐廳老闆出吹saxophone, 嘩, 真的驚為天人...後來再加入他十三歲的女兒, 兩父女對吹, 再加上另一位... 非常精彩
可惜我們明又早上有行程, 不可留得太夜, 唯有早走.
返到酒店都已經十一點幾, 即香港十二點幾, 今天咁早起身, 都真係幾攰
的牛奶果出名好甜, 但我呢倘就麻麻, 記著只可以食中心那一點黠. 外面唔食得的呢.
食完快的沖涼瞓覺, 明又又要六點幾起床, 七點食早餐, 八點出發.
沒有留言:
張貼留言