烚吓烚吓

December 28, 2016

放咗幾天假, 一返到公司真係忙到氣咳. 型爸下午打電話比我..媽咪天氣轉涼, 今晚打邊爐好唔好?   吓, 我好忙今晚實趕唔切去買野....唔使擔心,等我攪掂啦.

 好好好, 你攪掂就得啦. 天氣一凍, 兩仔爺就最鍾意烚吓烚吓, 型爸都攪到好豐富呀!

 
脆肉鯇腩

安格斯肥牛

呢的係牛脷, 上次留起的試吓用嚟打邊爐...  鮮紅色係脷的前部份, 好爽, 但後部份就好韌, 下次知道只可以用嚟炆.  今次就益兩隻寶貝啦.

九肚魚, 牛百頁

腐皮, 麵筋, 魚蛋牛丸頁丸

生菜, 豆苗, 芫茜

響鈴卷

好豐富呀!

一放工返嚟就有得食....型爸well done!