松茸什丸湯麵

August 17, 2017, Thursday

今日係我牛一,  對自己好的, 放假兩天.   無咩特定節目, 只係輕鬆hea 吓.  行街按摩食飯咁啦.

估唔到一大早又收到組長送的禮物, 又係松茸

今次有十幾隻

呢的新鮮松茸唔可以放太耐, 盡快食好的, 放得耐唔記得嘥咗就唔好啦.

我用咗6隻大的, 洗淨切片用嚟煮麵

呢的丸係前兩天食火鍋剩的

 

焯埋的菜

煮兩個蝦子麵

松茸什丸湯

跟著再嚟個熱情果特飲

將熱情果肉及汁取出加的蜜糖

咁就得架啦.

我同型爸的午餐.

食完午餐我地出發去按摩....呢排好忙, 好幾個月無去過, 好祈待呀!

與老友彩晶軒慶生

August 28, 2017, Wednesday

午餐同事幫我預祝生日, 晚餐幾位老友記又約咗我....好開心呀!

幾位老友記叫我訂位, 搵咗Hokobuy無邊間咩啱心水.   最終訂了彩晶軒.

唔想諗大家都讚成叫套餐, 每位HK$188

有义燒

雞絲生翅

西芹班球

松露蝦球

魚肚浸菜苗

仲有個海皇炒飯

甜品有椰汁桂花糕

仲有冰花燉蛋

埋單HK$885, 多謝三位老友同我預祝生日.

意粉廚房

August 16, 2017, Wednesday

今日兩位飯腳加埋秘書小姐同我預祝生日

今日試新餐廳, 上星期慢魔魔嚟過, 佢話可以試吓.  呢間叫意粉廚房, 盛品酒店加連威老道路口.

要行樓梯落地庫

唔知係咪酒店餐廳, 如果係的話就有的簡陋

午餐menu

呢款麵包幾懷舊喎

餐湯是自助的, 有中湯及西湯

明明係西餐廳, 飲中湯有的怪, 咁就揀咗南瓜忌廉湯

望一望, 角位有茶檔, 咖啡茶都係自助.  不過一見到的咖啡就失望.   呢的一早煲定擺响道嘅咖啡唔方好飲.

秘書小姐要了海鮮意大利飯

麻煩鬼要了大蝦意粉

慢魔魔要了牛肋排意粉

我要了帶子波菜麵

幾款食物都算ok.

每一位都係HK$78, 要加一.   

多謝幾位同事同我預祝生日.

松茸火鍋

August 15, 2017, Tuesday

今日下午四點幾, 型爸打電話比我話組長送咗的空運新鮮松茸比我地, 叫我地盡快食.  咁型爸問我不如今晚食火鍋. 

嘩, 三十幾度食火鍋, 唯有開行冷氣啦.

有十隻

空運嚟時用乾冰包著, 一盒有兩層, 保溫得好好.

Cindy調咗今日放假, 返到屋企就自己嚟啦.


的松茸洗淨切片

家居常備的丸

無火鍋牛肉, 我就拎咗埋Cycon買的靚牛扒用嚟火鍋

要切片就要吒把玫瑰刀出嚟

型爸話佢切, 咁就交比佢啦.   切得靚, 不過擺得唔靚.

咁我就洗菜洗芫茜

將的芫茜頭洗淨加的皮蛋滾吓先.   的芫茜頭好香呀!

預備好哂食得啦.

今晚飲品清熱夏枯草

滾起的芫茜頭唔要, 加的松茸落去, 的松茸無咩特叮味道, 但咬落爽口, 比平時的雞髀菇好味.

咁最正梗係呢的牛肉啦....真係好有牛味.

唔好睇野少少, 三個人都食唔哂的菜及丸.    今餐火鍋, 覺得好健康呀!