松茸發芽米飯

August 18, 2017, Friday

昨天剩低8隻松茸, 今日煮埋佢

不過唔係火鍋或煮麵, 係用嚟煮發芽米飯呀!

松茸洗淨切條

呢隻發芽米本來唔使浸, 不過我先落三杯水浸咗十分鐘

跟著落松茸

再落了三杯雞湯. 按制煮飯.

飯煮好, 睇落都OK, 不過拌勻時覺得的飯腍咗的

唔知係咪唔應該浸米, 定係松茸令到水份多咗, 下次如果再煮, 要少落的水.  的飯乾身的有咬口先似食發芽米.

今餐仲有椒鹽豬扒

蒜椒蒸黃花, 炒菜

青紅蘿蔔豬骨湯

三餸一湯加埋個松茸發芽米飯都幾好架!