黐餐

August 27, 2017, Sunday

家中好多善後工作, 今晚唔煮飯去黐餐.   今早在組長家吃, 晚餐型爸就打電話比林老闆, 講到明去黐餐.   林老闆話當然無問題, 佢今晚煮肉醬意粉, 煎扒.  又煲咗老火湯, 炆牛腩, 中西合璧呀!

林家今日齊人, 因為林家二小姐英國回來放暑假

林老闆唔知係咪驚唔夠食, 牛扒, 羊扒, 豬扒, 腸仔都煎的

整咗一大碗肉醬配意粉.  佢地廚藝好咗好多喎, 的肉醬好味!

跟著仲煎埋鵝肝

佢又係好得意, 打八號風球開車去街市買餸.  佢話平時買唔到, 係打風先未買哂, 佢買咗兩斤坑腩一斤白腩.   今日的牛腩炆得好好味, 加咗的香料炆, 好掂呀!

仲有個什菇炒西蘭花.

在林家吃完飯, 仲要睇埋超時空男臣先至走.   我家天線吹走了, 電視都無得睇吓.

好彩屋苑好多老友....謝謝招待.