鳳坑谷埔 + 松記食海鮮 + 一哥晚飯

September 10, 2017, Sunday

打風落雨, 計吓計吓幾個星期無行山.

雖然天文台話今日局部地區性驟雨, 我地一行七人都堅持出發

安全起見, 都係行鳳坑谷埔, 大部份都係石屎路, 怕泥路濕滑, 組長同領隊都話烏蛟騰都唔行啦.

氣壓低, 天氣好焗

我地由鹿頸出發, 綞鳳坑去到谷埔, 再行過少少就回頭

去到松記都只係十點幾, 松記昨天開市, 組長同領隊話要幫襯, 咁我地再行一圈

 

今日行山組做了一件好事呀!  我地見到有一隻小牛跌咗落小徑邊離地大約兩尺卡在一條水管, 無法出來.   而母年在前面不見了小牛, 不斷在叫.   領隊哈叔馬上跳落去, 我地拉開水管, 他把小牛抱出來.   小牛兩邊肩膊受了傷, 慌不擇路, 我們把牠趕回母牛身邊.   好彩今天無下大雨, 要不小牛可能已經浸死.    去年底, 我地曾見過一小牛屍體就浸在小徑邊.    看見牠們母子重驟, 真替牠們開心.

我地行咗入谷埔村, 呢道已經荒廢無人著.   呢梱大樹壓在燈柱上, 危險呀!

遇見兩名本地人, 原來谷埔寸分開, 一肚, 二肚, 三肚, 四肚 & 五肚.  我地剛行的就是五肚.  唔講真係唔知呀!

行完兜咗一大圈, 十一點半返到松記開餐

半隻走地雞, 蕃薯苗

一斤白焯蝦

半隻炆鵝

豆卜煙肉炒椰菜

蒸黑鱲

豉油皇炒麵

客家豬肉砵

又食到飽飽.   

食完再行就覺得好攰啦, 今日行咗成三個幾鐘, 上車時有的抽筋呀!

臨走時哈叔又約我地晚上一齊食飯

又係一哥呀! (其實我地開始有的厭啦)


但哈哥又有朋友送咗手釣黃立鯧, 咁又嚟呢道啦.  今次每人再半條

椒鹽豆腐

椒聯雞軟骨

呢個湯非常好味, 但我唔記得係咩野湯啦.

 

今日叫咗一哥雞煲

大蝦伊麵, 仲有兩隻乳鴿

炒白菜仔

行山組由朝食到晚呀!