粉嶺海聯皇宮

September 24, 2017, Sunday

今個月唔止二公子生日,  行山組組長及副組長都係呢幾日生日, 領隊哈叔話行山組大家一齊出嚟食餐飯, 慶祝一下.

9 月21日 組長生日,
9 月22日組長女兒生日,
9 月23日二公子生日,
9 月24日組長及組長夫人結婚周年紀念
9 月25日副組長生日
咁高興, 係咪要慶祝一下呢!

哈叔在海聯訂咗一個房間, 本來話打邊爐, 但我地十八個人咁大張檯, 點打邊爐呀!  我提議改食晚飯啦.

咁經理拎咗的全包宴菜單, 佢話只有十幾款小菜唔夠食.   咁又係, 人地俾暑房, 咁梗係要消費多的啦.

我地揀咗呢款生生發發, 貪佢好意頭呀!

經理都要做好多野, 拎走的爐頭, 放咗一個轉盤, 加一塊玻璃, 再加一塊大的木檯面, 咁先可以成為一個大轉盤檯面呀!

 
組長鐘意食豬手, 先叫兩碟做小食.   哈哈, 跟著後面又加多面碟....豬手都要四碟

乳豬一隻

大蝦伊麵, 好夠份量呀!

一品燒雞

碧綠花姿鴛鴦蚌

炸蟹蚶, 本來諗著唔夠食, 原來好多人都唔啱.  十八個人十二隻蟹蚶都食唔哂.  二公子型爸每人食兩隻, 但我一隻都無食呀!

驚唔夠食, 加咗牛柳粒


及啫啫芥蘭煲

翅都好大份, 足足裝夠十八碗

鮑螺片鴨掌仲食唔哂

蒸沙巴龍躉

仲有荷葉飯

水餃

跟著仲有壽包, 甜品, 紅豆沙

埋單四千文,  除十二份,  有喜慶的無需付, 大家開開心心, 好高興呀!

 
 我拎咗自家製嘅Cheese Cake 與各位分享.   一個唔夠, 另外昨天同二公子慶祝仲有半個剩, 足足一個半呀!

大家非常比面, 都話好好食.

講真食到咁飽, Cheese Cake 又膩, 我根本食唔落.   但幾位年輕人及副組長都話要添食, 全部清哂.   另一位小朋友食唔哂都要拎走帶返屋企食....比面比面.