去骨醉豬手

October 3, 2017, Tuesday

上星期同奶奶及家人去咗富臨慶中秋, 明天中秋正日組長約咗我地食翅,  咁都唔可以空手掉空腳去架.   知道組長鍾意食豬手, 一於整醉豬手.   今晚整定, 浸一晚明天食就啱啱好呀!

唔知組長總共邀請了多少人, 一於整多的.   買咗成十磅豬手

汆水時, 個鑊差的都放唔哂

跟完活水再用過濾水洗淨

豬手太多, 要雙煲齊出先得呀!

萬能煲炆一半

高速煲又炆一半

 哈, 估唔到兩款煲炆嘅時間差唔多, 萬能煲按筋腩制要30分鍾, 而高速煲明火煲10分鐘, 高壓20分鐘

炆緊時就調個醉汁....卒之比我响佳寶搵到古月龍山出品嘅香槽露, 呢枝味道好, 唔似某的醉雞汁落重師傅.

我用的比例是一份醉汁:  10湯匙香槽霑 + 4湯匙花雕+ 3 湯匙 魚露 (因豬手沒有調味, 個汁要鹹少少, 如整醉雞就唔可咁鹹) + 大半湯匙糖.

我有兩份豬手,份量就以上乘二.   試味,  唔夠就再微調

炆好啦!  再用過濾水降溫

帶起手套趁仲熱時就拆骨.....哈哈, 十磅豬手, 我諗有四磅都係骨

整咗一碟全部去骨, 另一碟就只去了大骨, 因為我知組長太太鍾意食有的骨嘅

第二天試味....型爸話正, 佢鐘意無骨, 凍凍地的用好爽呀!

而另一碟有骨的, 我用微波爐翻熱, 的豬手預熱即腍, 仲好有酒香呀!