家姊姊夫明天要走啦, 約咗佢地兩個, 姨甥兩夫婦, 加拿大返嚟嘅姪女一齊去生昌食晚飯. 姊夫同姪女都鍾意食潮州菜.
放咗工去接姪女, 再接二公子, 然後一齊去搵位先(生昌無book位架). 姨甥就負責接家姊姊夫. 我地早到咗, 坐低叫的小食食著先.
嗰位侍應小姐話, 新鮮整嘅白灼魷魚仔, 唔係成日有, 好味架. 我地就叫碟試吓啦. 一碟有8隻, 有大有細, 仲有2隻好漲身嘅. 的墨魚無劏開, 咬落去連墨汁都食埋. 其中嗰兩隻好漲身咬落去入面好多銀白色魷魚子, 型爸同姪女食咗, 佢地話好味喎! 食嗰時好攪笑, 個咀同的牙都黑哂!
呢碟鳳爪都炆得好腍喎!
家姊姨甥佢地仲未到, 型爸再叫多碟獅頭鵝頭鵝頸...不過一送到嚟, 佢地就到啦.
今日叫咗好多野食呀!
有砂鍋雞煲翅, 本來好多翅响面, 我地將的翅每人分咗先(分咗先記得影相), 然後再分的湯, 的湯有半隻雞同好多豬手, 仲加咗少許雲腿落去吊味
的津菜同的湯都好好味喎! 絕對唔係上次我同型爸嚟嗰次咁鹹.
凍烏頭就唔少得啦, 條魚唔錯, 仲有黃油添. 魚尾仲掛著出產魚塘嘅標誌
脆炸椒鹽玉子豆腐, 好味喎
鵝片, 嘩! 得面頭嗰幾片咋, 好刀巧, 切到超薄. 下面全部都係滷水豆腐
另外再叫咗滷水拼盤, 有大腸, 鵝腸拼墨魚
美味嘅蠔仔粥, 今次8 個人食, 啱啱好
酥炸蠔餅, 厚身夠哂份量
潮州糖醋麵, 我好鍾意食架.
覺得唔係好夠, 再加多兩樣...
豉椒炒蟶子, 的蟶子好肥美呀!
仲有呢樣好多年都無食過嘅糯米花生釀豬大腸. 其實本身的糯米豬大腸已經好好味(好香胡椒粉味), 反而我唔鍾意加咗的汁....
三家姊同姪女都係五月份生日, 三家姊姊夫明天又要返加拿大, 仲有幾日又係母親節... 我地呢檯已經有三位母親...咁一次過全部一齊慶祝加餞行啦...
今日基上樣樣都OK, 的滷水都唔鹹. 今次人多一齊食, 可以叫多的野食...
我地食得好開心呀, 叫咗咁多野都係HK$1,063.... 唔使加一, 抵食呀!
沒有留言:
張貼留言