勞動節假期流浮山食海鮮

2011年5月6日下午3:18公開累積瀏覽 40 0

May 1, 2011, Sunday, 勞動節假期

 

飲完茶就返屋企休息一吓, 今日無咩特別攪作, 晚上約咗林老闆一家, Mr & Mrs Kua一齊去流浮山食海鮮.

我地七點幾出發, 連大搭細, 一行九人

嘩! 去到超多人, 停車埸泊到滿哂,. 行入去海鮮檔成條街都係人, 訂咗晚上八點, 我地早到咗15分鍾, 但係門口迫滿哂人要等位.

 

咁我地周圍行吓, 唔覺意又買咗一大堆光酥餅, 香蕉糕, 馬仔, 炒米餅, 雞仔餅, 南乳花生, 魚皮花生, 龍鬚糖....(你話係咪傻架...?) 以前成日嚟呢道買金蠔, 蠔豉, 今次又無買喎. 
卒之等咗超過30-40分鍾, 有位啦, 不過耍行上三樓.

就係呢間林老闆相熟嘅海景海鮮酒家.
林老闆諗都唔使諗即刻點哂的基本野食啦..

白灼蝦, 呢隻蝦細細隻, 但非常好味.

一斑兩味嘅斑頭腩, 呢個煮得唔錯

呢個係炒球... 當其時好肚餓咗, 好快就食哂..
跟著好似點咗穴咁, 等咗好耐, 一樣餸都唔嚟..

等咗好耐先至嚟呢碟豉椒炒蟶子.

再等再等.....

先至嚟呢個海鮮豆腐湯, 好味嘅....
再等再等....

酥炸生蠔...炸得好好味, 食完又係等..
跟著同我地講的大隻嘅瀨尿蝦買哂啦, 得返的細嘅, 咁我地都要啦......又等

瀨尿蝦都食完, 我地叫嘅清蒸大連鮑魚影都無...
又等....

呢碟菜加加埋埋都應該等咗一個半鐘, 我地好早已經話要加多碟菜, 但佢地好似話菜都無, 唔願加單...
到最後, 嗰碟清蒸大連鮑都係無嚟, 原本係去咗第二檯, 比人食咗...吓!  咁都得...問我地仲要唔要, 唔要啦...

呢碟係後加嘅蝦醬炒飯, 都炒得幾乾身... 略嫌的餸太多, 睇吓的蝦幾大嚿.   每人食的炒飯, 夠哂啦...

呢碟係送嘅臍橙, 幾好味喎, 的刀法都算犀利, 一開十二嚿.
個老闆娘上嚟同林老闆猛講對唔著, 佢話一年係得呢兩個星期咁好生意, 五一假期加埋母親節, 咁啱有個熟客訂咗三圍, 話八點還檯又未還.....(佢個廚房基本上係等埋幾檯嘅餸一齊炒)

其實呢道整的野食都ok嘅, 不過要咁等法, 梗係無哂癮啦.

我地無咩點飲酒呀, 淨係開頭嚟嗰時開咗兩支啤酒, 走嗰時, 的酒氣咩都過哂啦....

走嗰時見到的茶果新鮮蒸緊, 又買幾咗四個鹹, 四個甜...

返到屋企, 佢地又嚟五號屋坐吓, 傾吓謁飲少少啦.  林老闆又搜尋到一支好酒呀!