牛陣 - 厚福街H8 1/F

2012年6月16日下午12:53公開累積瀏覽 258 0

Jun 14, 2012, Thursday Afternoon

哈! 今日又有機會一家人一齊食lunch.   今次係二公子提議去食, 因為佢同朋友去過, 佢話抵食...  最少飯, 烏冬任叫, 可以食得飽...哈哈哈


就係呢間竹陣啦, 响厚福街H8, 1/F.   點解而家咁多商業大廈都係用的咁簡單嘅名稱..K11, The one....

 

去到唔使等, 即刻有位, 每張檯都有個陷入式電磁爐


午市套餐有好多選擇, 但全部都係牛肉火鍋(唔食牛嘅真係可以唔使嚟啦), 分別只係牛嘅級數, 同唔同嘅湯底, 要套餐或放題套餐.

咁我地比二公子揸主意, 點知佢話梗係要最基本嗰個啦, 我地話使唔使要放題呀(牛肉任叫), 佢話夠食架啦, 你地信我一次啦.   哈哈, 佢幫型爸慳荷包, 我地梗信佢啦.  因為我地四個人一張檯, 得一個爐, 只可以叫同款食物, 唔可以叫唔同湯底或唔同級數嘅牛肉. 最終叫咗4份普通嘅牛肉火鍋hk$58.  由入座起計, 只可以食60分鐘.
  

外面有一個唔係好大嘅counter, 放咗的任取嘅食物, 魚蛋, 腸仔, 肉丸(食完都唔知係牛肉定豬肉丸), 蓮藕片, 節瓜, 翠玉瓜, 芽菜, 豆腐, 南瓜, 青瓜, 蕃茄, 粉絲, 烏冬, 生菜, 椰菜, 小棠菜. 仲有一個煮好了的咖哩.   可以話好多野食, 亦都可以話無咩野食.


最前面end corner有Haagen-Daza雪糕.  而後面end counter 就有的配料用嚟自己調製醬汁. 有辣椒, 生蒜, 熟蒜, 芫茜, 蔥, 麻醬, 豉油.
 

呢份就係我自調嘅混醬啦.


返到去, 的牛肉送到嚟啦.


呢份就係每人一份嘅肥牛片, 大約有6-7片(超薄)

 

我地就攞咗的唔同嘅配料返嚟. 

 

好肚餓, 我地好似食一品鍋咁, 一次過倒哂落去.

的野未得, 我地就攞咗的咖哩返嚟叫佢地比的白飯, 佢地好好喎, 問我地要炒飯定白飯, 我地要咗炒飯....嘩!  原來的炒飯好好味, 我地叫咗兩碗share嚟食, 肚餓得制食哂的唔記得影, 後來型爸再叫一碗, 都係唔記得影..   我地同大公子二公子都鍾意食湯烏冬....焯好加的咖哩汁都一樣好味.

正如二公子邁, 真係食得飽架, 仲可以好飽添!

諗深一層, 唔食牛肉放題都有個好處, 我地會食多的瓜瓜菜菜豆腐豆卜, 唔使食咁多肉. 
 

埋單hk$255 (hk$58 x 4 再加一.

哈哈, 以我地一家人食野嘅速度, 唔使一個鐘就食完啦.  13:29:18 落單, 14:11:39 埋單...
 

出到去電梯口, 見到個banner,  咦! 晚市都唔係貴好多喎, 唔知嗰碟牛肉會唔會多少少呢!