流浮山海鮮晚餐慶林太生日

2012年6月12日下午12:56公開累積瀏覽 186 0

June 9, 2012, Saturday Night

早幾日林老闆打電話比型爸, 約埋星期六晚一齊去流浮山食海鮮, 型爸一口應承, 因為佢最鍾意食海鮮.  唔單止我地呀, 仲有陶爸陶媽, Mr & Mrs. Kua, 連大夾細, 足足十四人呀!

去到坐坐吓傾謁, 原來先知道係林太生日, 我地咩都無準備呀!  祝佢身體健康, 越嚟越靚呀!

今日好多野食呀! 

第一碟嚟嘅係炒斑頭腩, 個個都好肚餓, 好快就清哂啦.


白焯竹節蝦
 

蒜蓉粉絲蒸扇貝 

 

薑蔥蒸鮑魚
 

 

西芹炒斑球 

 

 

白焯花螺 

 

鹽水浸花甲 

  

豉椒炒聖子
 

酥炸生蠔

 

清蒸醃仔....超多膏呀!


油菜心


白焯生菜, 的菜好甜呀!


林老闆好似驚唔陪食咁, 再叫碟生炒排骨, 我無食到, 佢地話的排骨好脆呀!
 

仲有個海鮮湯
 

好大碟嘅炒飯


飯後生果..

今餐真係好豐富, 個個都食到捧著個肚.

食完開車各自回家... 跟著就一齊去林宅

一齊切生日蛋糕呀!  林老闆送給林太嘅朱古力雪糕蛋糕呀!

食完再沖壺靚普洱比我地飲.... 超濃, 平時晚上唔敢飲濃茶, 但呢兩日食咗的感冒藥, 一定唔會瞓唔著.


林生攞咗佢啱啱買嘅陳年普洱, 用呢的好似蕉葉包暮


打開嚟睇, 寫著黃金葉, 足有2公斤重.


長方形有成2寸厚.

大家傾吓講吓, 差唔多十二點先走呀!...  好彩唔使call的士, 各自散步回家.