為咗呢隻杯....走去食麥記

2012年6月30日下午12:46公開累積瀏覽 190 0

June 28, 2012, Thursday

今日又要去見陳醫師呀!  呢排隻手又麻痺番, 由條頸至到手指公,  睇嚟又要連續睇多幾次先得啦..

睇完醫生就返公司, 無去食飯飯呀!  走咗去幫襯麥記.

平時唔會去架, 但係今朝睇報紙, 比個頭版吸引著...  都換咗好耐啦, 又忍咗好耐....

結果都去買咗個加大餐, 攞咝隻粉紅色


而家唔食漢堡牛肉, 揸咗黑椒雞腿包.

我真係好耐無食過麥記套餐, 都唔知一個餐要HK$30.90....加大就要HK$34.30. 而家食麥記, 通常都只係買個包, 唔要汽水薯條, 又慳又無咁熱氣.

買到返公司都唔係即刻食, 結果的薯條凍哂...咁都好嘅, 唔使咁熱氣麻....

呢個加大餐食到好飽呀!  咁三十幾蚊都算係咁上下啦.

其實攞咗隻杯, 都只係想擁有, 都無諗著用.   去年都換過, 又係放喺道....唉... 究竟呢的係咩野心態呢