和幸日本燒肉

2013年8月13日下午2:55公開累積瀏覽 256 0

August 7, 2013, Wednesday Night

今日下午五點約咗下午見醫生, 其實都唔想今日去, 因為晚上約咗小杯食飯, 驚要等好耐, 唔想遲到呢.  但姑娘比其他嘅時間又唔啱, 佢話早上的appointment, 通常會等好耐, 下午就唔會, 咁五點就五點啦.

還好, 去到醫務所, 真係唔使等.....突然姑娘大叫一聲....彩虹呀.....望出去, 真係見到一條彩虹....咁就隔著玻璃影一張相啦... (第二朝睇報紙, 先知原來有雙彩虹...但我睇到時, 得一條咋)

睇完醫生都只係六點, 約了小杯六點三十分....仲可以行一陣...不過都無咩興趣行街, 天氣咁熱, 無咩野要買呢....

今晚訂了和幸吧, 係食日本燒肉, 豆豆媽咪介紹架... 本來想去川燒, 但豆豆媽咪話川燒地方窄的, 無坐得咁舒服.

未夠六點半我已經到咗, 無咩人呢, 被安排坐一個轉角小梳化位, 兩個人, 幾好幾舒服呢!

 

胏咗menu, 眼花瞭亂, 見到有呢款兩人套餐, 入面的野都幾啱食...唔錯, 小杯都話ok...咁就呢款兩人餐啦.

食燒烤最好梗係飲啤酒啦... 小杯叫了啤酒....我都好想飲, 但我要開車...唔飲得呀!

我要了無酒精的 Flamingo....

飲品...買一送一....要同款呢!  食燒物, 每人飲兩杯, 一定飲得哂...

每人一客前菜...唔係送架...睇單先知要比錢...呢碟應該係的帶子裙邊.


跟著就係鮑魚刺身...睇落以為成隻, 原來已經片好一片片, 好刀工.  亦都幾好味.

各幸沙律...嚿芝士好味呀!

 

的生嘅燒身送嚟啦....牛油清酒帆立貝 & 虎蝦

黑毛和牛西冷


小牛排

牛舌

單骨雞翼

見到已經好開心.

不過的侍太殷勤...到的火好大.....不停講的帆立貝要點煮.....吓, 我同小杯好多野講加麻, 邊有心機聽佢講咩

 

結果侍應小姐幫我地燒帆立貝, 加牛油加清酒...我同小杯只係翻兩翻又加的清酒...

跟著我地叫佢幫我地調細個爐, 慢慢燒慢慢傾呢.....我地咁耐無見...真係有傾唔完嘅話題呢!

 

 燒到咁上下, 溫泉蛋和牛石頭鍋飯嚟啦...侍應小姐好快速咁幫我地撈好佢...佢的動作太快速, 影到朦查查呢.

每人都有一大碗呢.

呢個餐嘅份量好夠呢...

最後仲有呢個北海道牛乳奶凍...好濃的奶味...好味呢!

呢餐我跟小杯食了差不多三小時....食得開心, 傾得開心!

埋單時以為走剩我地一檯(因為見到周圍的客人已經走哂)....點知去完洗手間望出去, 原來呢道有露檯, 出面坐滿了客人, 原來好多客人喜歡坐外面, 可以食煙... 哈哈, 各有所需啦, 我喜歡室內嘆冷氣. 靜的無咁嘈呢.


唉吔, 差點忙了多謝小杯送我的 "好吃鬼主意" (有點賴皮..叫她幫忙敗一本, 結果小杯送給我, 還要人肉速遞, 我老實不客氣就收了呢!)


有鬼嫁親筆簽名啊!