川滬小廚

2013年8月9日下午12:43公開累積瀏覽 249 0

August 3, 2013, Saturday

今日一出埸就要介紹吓我家的狗明星Loki, 好識做戲架.... 一見型爸換咩野衫, 佢就知佢有無份出街...


一見無佢份, 即刻嚟呢個失落樣, 真係無哂心機

我見佢咁攪鬼, 攞個相機同佢影相, 佢即刻擰個頭埋牆邊, 話比我知唔開心...   哈哈, 咁唔可以去邊都帶埋你加麻.

今日要Akiramay幫忙, 介紹我去大埔佢姐夫嘅跌打醫館, 處理吓扭傷了的腳...

左足踝...真係黃腫腳....


右滕蓋...又係舊患...

除咗敷藥, 仲要煲藥...希望快的消腫去瘀啦.

敷咗藥, 一樣行得食得走得...無問題

跟著一齊去咗附近嘅川滬小廚食晏.

我地四個人叫了三個客飯, 一客小籠包

 

鎮江小排骨

獅子頭


醬燒茄子

一個客飯配兩碗飯...好夠呢!

 

小籠包嚟啦.

個小籠都幾好味, .咬開上面, 加的醋....yummy!

 

Akiramay同女兒要了杏仁豆腐

我同型爸要了芝麻湯丸...不過等咗好耐, 整出嚟都係無咩味, 型爸話利川好味的.

都係經濟客飯...埋單HK$200.20

食完我地去美亞睇吓有咩野賣, 好似大減價喎.....去到真係超失望, 原來唔係特賣場, 係門市做特價, 個鋪又細, 又無咩冷氣, 亦都無咩好野...白行一趟....

自我安慰,,,,無野好買, 即係唔使使錢啦...又慳咗.