August 18, 2013, Sunday Night
Ruby清潔廚房時, 我同型爸先去超市, 諗著一陣再去跌打醫生處敷吓隻腳. 見到個廚房, 拎哂的野出嚟, 好大陣象, 睇嚟今晚都係唔使Ruby煮飯, 我地買的料今晚食魚鍋算啦.
哈哈, 點知我地去超市途中, 見到林老闆架車, 佢地又去買餸...原來今晚林大公子從英國返嚟...林老闆親自下廚呀!
哈哈哈哈, 最開心係林老闆邀請埋我同型爸去食晚飯....真開心, 今晚可以去黐餐, 連魚鍋都唔使整, Ruby今晚唔使煮飯又唔使洗碗, 可以專心抺乾淨個廚房啦.
去大埔跌打醫生處敷藥, 再去街市買斤半海蝦同絲瓜, 攞去林家交比工人姐姐..
七點半, 型爸帶埋枝竹鶴21年去到林家, 林太剛接到林大公子到家..... 時間啱啱好呢!.
林老闆親自下廚, 睇吓有咩好餸先:
蒜片牛柳粒
Ruby清潔廚房時, 我同型爸先去超市, 諗著一陣再去跌打醫生處敷吓隻腳. 見到個廚房, 拎哂的野出嚟, 好大陣象, 睇嚟今晚都係唔使Ruby煮飯, 我地買的料今晚食魚鍋算啦.
哈哈, 點知我地去超市途中, 見到林老闆架車, 佢地又去買餸...原來今晚林大公子從英國返嚟...林老闆親自下廚呀!
哈哈哈哈, 最開心係林老闆邀請埋我同型爸去食晚飯....真開心, 今晚可以去黐餐, 連魚鍋都唔使整, Ruby今晚唔使煮飯又唔使洗碗, 可以專心抺乾淨個廚房啦.
去大埔跌打醫生處敷藥, 再去街市買斤半海蝦同絲瓜, 攞去林家交比工人姐姐..
七點半, 型爸帶埋枝竹鶴21年去到林家, 林太剛接到林大公子到家..... 時間啱啱好呢!.
林老闆親自下廚, 睇吓有咩好餸先:
蒜片牛柳粒
南乳炆豬手, 炆咗兩個幾鐘, 好腍呀!
蒸紅鮋
瑤柱魚肚蝦干煮絲瓜, 我剛買嘅絲瓜就係用嚟煮呢碟餸
仲有我地响大埔海鮮檔買了一斤半海蝦, 好大隻, 的肉爽口彈呀, 海鮮檔姐姐無介紹錯呀!
白焯了兩碟芥蘭...的菜好靚呀!
有六餸
再加一湯, 芫茜皮多雜魚湯
食完晚飯, 我地又嚟餐後小聚....本來佢地話轉去五號屋家...但五號屋嘅open kitchen正在大清潔, 今日都係留番响林家繼續個party.
除了型爸帶來的whisky, 林老闆開了兩枝白酒
火腿芝士唔少得....綠色的羅勒味芝士, 食吓食吓都幾好味.
不斷有refill的車厘子及西瓜
陶爸帶來了一煲桑寄生茶...火腿隔離嗰碗黑麻麻就係啦.
食吓食吓, 林老闆又摷佢個雪櫃, 攞咗的佢媽媽林老太親手做的茶果出嚟蒸比我地食.
好好味呀....但實在太夠了, 同陶媽每人分享了半個, 本來想拿一個走, 但林老闆送了我兩個, Mr. Kua都要了兩個....我地都喜歡吃呢的自家製嘅家鄉食物, 好味呀!
今晚我們的話題環繞兒時趣事, 真係笑到肚痛呀! 好開心呀!
快樂的時間很易過, 轉眼又十一點幾, 明天要上班, 真係要走啦......走時條腰好直, 因為食得太夠...食咗幾個鐘...咁攪法, 想唔肥都唔得啦.
沒有留言:
張貼留言