蘇太XO醬

2011年3月3日下午2:13公開累積瀏覽 419 2

 最近收到一份特別禮物...

就係呢樽蘇太豪華裝XO醬

事源初七人日我地屋苑幾個部屋團拜, 其中十號部屋炒米粉, 八號部屋就攞咗樽靚XO醬嚟配炒米粉一齊食.  的XO醬好味喎, 當其時我好忙, 亦無留意係咩野XO醬.  跟著八號部屋話可以訂, 咁就訂樽試吓啦... 我喜歡食辣,   就大辣啦.
先幾日八號部屋送咗一樽過嚟,  佢訂咗, 每個部屋送一樽.  我話我地訂一定要比錢, 佢都唔肯收.

打開出嚟, 包裝精美喎.

入面仲有一本迷你食譜

內有八款菜色, 用中英日菲四種語言(點解唔加印尼文呀?)印製.
其實之前都唔知蘇太係邊個, 聽都未聽過.  收到樽醬就上網查吓, 原來係前立法局議員, 新洲印刷集團個主席蘇周艷屏女士(查咗都係唔識佢....)
睇吓的報導, 先知係前議員精研自家製xo醬嚟送禮, 受到在政商界朋友間口碑載道, 朋友游說她將此醬生產推出市場... 咁又幾好喎, 將的好食嘅野公諸同好, 多人鍾意食, 自己都開心啦.

啱啱開咗嚟試吓!

真係好足料喎!  空口食梗係正啦! 

我即刻叫Ruby煎的素蔔蔔糕配嚟食.   好味! 其實本身的素蔔蔔糕都好夠味.   辣味ok喎, 啖啖都有辣味, 我鍾意...我諗撈麵仲好味. 

响網上睇, 一樽300g 要hk$158 (原價hk$178), 用嚟撈麵, 哈哈, 的配料仲貴過的麵呀... 型爸話是謁...好味就得啦.