彩晶軒 - 港晶中心

May 15, 2014, Thursday afternoon

平時出去午膳, 比較少去飲茶, 但呢兩個星期, 我地都會選一日去飲茶, 因為比我地搵到個方法, 每人食到幾款點心,  價錢又相宜, 仲可以慢慢坐响到飲多兩杯普洱.

 

 呢間彩晶軒, 以前都去過幾次, 唔知點解後來又無去.   近來食晏嘅地方, 選擇越嚟越少, 我地呢排又上去食吓.

呢道星期一至五, 有多款點心都大特價, 仲平過一個小點, 真係抵食.  (平時正價小點hk$12, 中點hk$20, 大點hk$24).

 

 呢, 全部都係hk$10, 除咗個特色點心拼盤, hk$11.  呢個點心拼係最抵食呀!

  

 我們共三個人, 每人要了一個點心拼盤.   每一個拼盤入面有五款點心.  另外再叫了一客流沙包(hk$10)做甜品.

 我同另一位同事要了一碗皮蛋瘦肉粥(hk$10) 做主食, 另一位就要了手拉白腸粉(hk$10).

呢份就係我嘅午餐, 點心拼盤加一碗粥.  雖然叫得簡單, 但加埋個流沙包, 有六款點心加一碗粥, 真係超夠呀!

埋單連茶錢加一, 都只係hk$107, 比埋貼士(hk$3咁大把), 每人都只係hk$37.

以飲茶嚟講, 呢個價錢算係好平啦.   每人食一客點心拼盤, 真係好開心架!