為食之旅 - 汕尾汕頭自駕遊 - Day 3

May 18, 2014, Sunday

昨晚吃了豐富的一餐, 睡得很好, 今早八點幾先起床.  今早大家都唔想再去飲茶, 決定去食麥記.

酒店對面, Wal-Mart隔離有一間麥當勞, 行過去都好快.

估唔到國內嘅麥當勞有油條賣.  我要了煙肉蛋漢堡+咖啡, 型爸要了早晨全餐

不知道這個價錢是貴是平, 我响香港都好少機會食麥當勞早餐.

食完我地又去行Wal-Mart, 因為昨天有一半人無去行街, 佢地對我地買的野好有興趣, 咁今日就同佢地一齊再去買.

買完十一點幾, 回酒店再沖一次涼先check out, 因為Wal-Mart剛開, 的冷氣唔夠, 汗如雨下, 好熱呀!   Check完out, 酒家的野又送嚟, 時間啱啱好, 我地要開車回程啦.

由汕頭開去深圳400公里, 我地會開一半路程, 食午飯, 小休一會, 再開車到深圳.

差不多十二點開車, 我們大概兩點先到中途站.   哈哈, 呢兩日都未餓過, 而家真係有的餓啦.

呢間餐廳叫新東餐廳, 在海豐鲘門, 鮜門呢處地方, 都係第一次聽, 但呢處有很多食肆, 全部都係開24小時, 因為呢處正正係深汕高速公路的中途站, 好多車都會在這附近停下來休息及加油.

男士去點菜, 女士先喝杯茶, 這款大紅袍, 不錯呢!

汕尾海豐汕頭, 最主要都係食海鮮, 今餐都唔例外!

呢碟花蛤好細隻, 但的肉一樣爽甜, 好味呀!

呢隻鹹雞, 又係好好味, 雞味什濃.

昨天吃過類似的, 但這煲只有芋頭薏米, 但一樣好味 (回家真的要試煮)

炒絲水瓜煲, 都唔知係咪水瓜, 食落好似囉.

炒蕃薯葉.

要了一窩蟹粥.   很大窩, 大家很勞力, 但始終吃不完.

這碟米粉炒得很好,食唔哂, 但這碟可以打包, 沒有浪費.

走時每人都買了花生, 這花生很好味呢!

這新東餐廳很大, 走時我從車後拍照, 那粉橙色大建築物就是餐廳的位置, 幾層高, 很多房間.  樓下亦可以泊很多輛車.   地方像一家工廠那麼大.

行了差不多兩個小時, 我們便到深圳, 兩架車又要分開過關.  但過關前, 大家都要先去洗車及加油.   呢三天都不停落雨, 又行過很多泥路, 架車真係好污糟呀!

雖各自過關, 但我們相約到家後一齊出外吃晚飯.

其實時間真係啱啱好, 大約七點半返到屋苑, 攞的野出嚟大家分, 時間都已經差唔多.

 大家一齊去粉嶺馬會餐廳, 人少的, 舒服的.   不約而同, 大家都叫西餐, 洋蔥湯, 肉醬意粉加pizza (呢三天食海鮮食夠了).

食完我地仲要返屋企計數, 睇吓今次使咗幾多錢.  對於我地從來都未去過汕尾汕頭的三對couple, 呢次真係海鮮美食之旅.

今次大家都玩得好開心.  下次我地又會再相約去旅行呀!