哈哈, 今日好開心, 請咗一天假, 約了幾位鄰居, 一齊為食遊. 今次唔係一天遊, 係三天遊, 鄰居有中港車牌, 我地一行九人, 八大一小, 分兩架車.
因兩架車分兩個關口, 我們這架車先出發, 可以先到大梅沙食乳鴿.
食完大約兩點幾, 我們便出發, 約了另一架車在公路一個避車處等.
酒店大堂又大又靚
大家放低行理休息一陣, 五點幾就出發. 呢道的人習慣早食晚飯, 我地要去海邊呢!
路經好多魚塘, 這裡都是以養蝦養魚為主, 因為地質關係, 這邊的地都種不到菜.
車行三十幾四十分鐘, 到了這間豐勝海鮮餐廳. 這個地方如果不是熟人帶來, 我們跟本找不到.
這家餐廳收到海鮮, 會批發到其他餐廳食肆, 而這裡養殖的水都是從海中抽回來.
六點幾便開始我們的海鮮餐, 今餐真的曷海鮮, 大部份都是今天打回來的.
呢款叫石斗的東西,以前都未食過, 呢的貝殼類東西, 在崖邊生長, 味道無什特別.
的生醃海膽味道有點像蜆芥
原來呢道食飯, 係要食哂的餸先食粥架, 加咗的生醃海膽加花生, 的粥好好味呀!
這餐大家都吃得很滿足, 只有海鮮沒有肉. 最後那窩白粥是錦上添花.
食完晚飯, 我們今晚的節目還未完, 食完飯, 我們去飲茶呀!
唔使驚, 唔係去酒樓飲茶, 係去茶館品茶呀!
這間茶館裝修得很雅致
這家品茶店由兩夫婦開的, 今天由太太來給我們沖茶. 品茶前給我們一些蜜餞乾果
我們試了七八款茶, 由單叢, 到鐵觀音, 普洱及紅茶, 平貴都有
每款茶沖泡的時間及手法都不一樣.
綠茶對我嚟講太涼, 我比較喜歡飲紅茶. 其實我晚上不適宜飲太多茶, 怕晚上睡不著. 但難得有這樣機會, 咁當然每款茶都試吓啦. 大家食得這樣飽, 飲完茶都覺得很舒服.
當我們問這樣品茶每位要收多少錢時, 帶我們去的鄰居竟然說不用錢. 他說來了這裡多年, 每次上來工作後都來品茶, 大家成了朋友, 亦在裡買了很多茶葉.
不過我們都不會白喝, 他們都買了一些茶葉, 其中八號部屋還買了兩件沖茶的茶坐. 價錢一點都不貴, 比起在其他地方買, 真的十分相宜.
品完茶, 大家都帶著愉快的心情回酒店.
沒有留言:
張貼留言