芝士牛肉Tortillas

May 6, 2014, Tuesday, 佛誕假期

唔覺唔覺, 又到假期最後一天.  昨日hea咗一天, 今日將會好勤力呀!

 
 差的唔記得有包Tortillas, 好彩放咗入冰櫃, 只要解凍, 用平底鑊烘熱就得啦.

今次用嘅餡料, 都係二公子喜歡的...芝士, 牛肉, 紫洋蔥, 蕃茄

用芝士墊底, 每樣都加的落去

每人一杯鮮奶

 

我們的佛誕假期午餐.

不過今日好特別, 二公子話要去農場鮮奶.   咁無所謂, 我地開車去都唔係好遠啫.  諗吓諗吓, 不如帶埋Loki去啦, 呢排成日落雨, 一落雨去就無得去街.

一去到農埸鮮奶入口, 見到幾架大旅遊巴, 落雨都一樣咁多人.   原來呢幾架巴士, 係教會攪嘅一天團, 農場鮮奶係其中一個點.

入面得一個小農場, 亦都得一個小食地方, 真係好生意到不得了.

睇吓貼著呢張紙就知啦.

 

唔止呀, 不設開水, 呢道主要賣奶. (唔好意思, 將呢位女士的背影攝入鏡頭, 因實在太多人了)

我都知二公子唔係只想食燉奶,佢要咗碗午香肉丁公仔麵 (我地個幾鐘頭前先食完Tortilla)

型爸要了雪菜肉絲撈公仔麵, 佢一樣咁開胃

每人要了一碗燉奶.   至於鮮奶仲巴敝, 大盒裝全部賣哂.

Loki去到大出風頭, 係人都想摸吓佢, 猛咁讚佢靚仔, 嘻嘻, 咁我同型爸聽到都好開心.

出去時Loki在車內不斷怪叫, 回程坐喺到乖乖唔出聲啦.