為食之旅 - 汕尾汕頭自駕遊 - Day 2

May 17, 2014, Saturday

昨晚飲了太多茶, 真的睡得不好.  今早六點便起床, 想睡晏一點都不肯, 唯有起床做吓運動.

約了九點在酒店大堂集合, 本來預備去酒店的酒樓飲茶, 但大家覺得, 來到這裡, 梗係要去本地酒樓飲茶啦.


結果, 我們去了這間豪都酒樓飲茶

外面煮寫著宴會廳, 有好多靚湯握介, 但我地淨係嚟飲茶食早餐咋.

入到去, 地方頗大

 
見到佢地有副對聯頗布意思, "食者為師, 廚者為徒. 以客為先, 追求最好"

點心都係同香港差唔多

叫到一檯都係呀!

呢款手拉腸粉要介紹一吓,有蝦有肉, 好滑, 味道唔錯.

呢道的牛肉餅好爽口彈牙, 但係的河粉就麻麻啦.

食到飽飽就到下一個節目,就係去參觀毛衫廠.

玩具廠我就參觀過很多次, 但毛衫廠都係第一次.

地下第一層係縫盤

呢的係以前的手動織機, 但現在已經無用了

 

全部都改為電腦代化

不過亦唔可以完全取代人手

廠方講全盛時期有六千工人, 但越來越難請人, 電腦化亦是大勢所需.  但驗貨, 補衣, 洗衣(機洗), 燙衣, 包裝仍需大量人手.

參觀完畢, 請我們到寫字樓喝茶, 看見這籃石荔枝,好靚呢!

跟著又到午飯時間


我們去了海豐一處叫西閘漁村的地方, 在這裡是頗出名.

話到明是漁村, 當然又係食海鮮啦.

見到有個女士把的粉漿沿鍋邊倒落去煮, 很有趣呢!   原來她正在做一個叫"爐邊棵" 那樣粉漿煮熟後就是棵, 煮好加上湯, 蔥, 芹菜, 菜圃, 蝦米, 就係爐邊棵啦. 

另一邊廚房亦非常忙碌.

坐下不久, 餸又來了:

白焯蝦, 比昨晚吃的細一點點, 但蝦味一樣鮮甜

炒蕃薯葉

呢個唔記得係咩, 但好好味.

呢道嘅土灶雞係招牌菜, 檯檯都叫, 有的仲要叫兩隻.   真係好好味.

呢個菜真係要學, 好如又健康. 鮮淮山芋頭蓮子百合薏米煲. 加了點蝦, 好鮮味呀!  好受歡迎呀!

芹菜少魚子

呢個又係好惹味的花生"血魚"煲.  我記得佢地好似叫呢條血魚, 因為一劏的血標哂出嚟, 漁家婦女產後要嚟補身架.

呢個就係"爐邊棵"啦, 都幾好味架.

食完呢餐休息一陣我地又出發啦. 我地要由落汕頭呀!

開車要200公里, 又要兩個鐘呀!  一開車又落雨, 都算好彩!

大約五點, 我都到達汕頭市, 我地今晚住帝豪酒店.

呢間响汕頭的老牌酒店, 開咗有二十幾年啦.   大堂都仲係好靚

估唔到的房間都仲係幾好, 唯一不好就是有煙味, 可能有些客人仍會在房間食煙.

大約六點, 我們在大堂集合,  跟著出去食晚飯.  無需開車, 只需步行十分八分鐘便到.

在酒店後面, 福晉軒酒家

呢間酒家, 裝修很漂亮

我佢訂了一間很大的房間, 那張檯, 在香港可以坐二十個人吧.   餐具都很漂亮.

餐前义燒包

我們要了雪梨水

這個拼盤很突別, 有糖蕃薯, 糖芋頭(兩樣都很好味), 凍莧菜及蜆肉

滷水拼盤, 有鵝片, 鵝腸, 鵝肝, 鵝血.  還拼了隆江豬手(我也不知道原來隆江豬手在這裡很出名)

煎蠔蛋, 這個麻麻

男士飲海龍海馬老爺湯

女士吃清燉金勾翅

呢隻凍紅蟹很大隻, 有5斤重

全晚最貴的菜式, 焯螺片扒.   我們有位"食家"鄰居, 如果在香港食, 這份大約需要過千元.

我們叫廚房拿那兩隻大响螺出來,每隻4斤幾5斤, 真的很大隻.   我們放了一枝1公斤裝Royal Salute, 那响螺比枝酒還大.

在汕頭要食牛肉, 這邊是食黃牛, 而手打牛丸亦很出名, 非常爽

鹽水花蛤, 花蛤肉又鮮又爽, 跟香港吃的真的不一樣.

這個是响螺瑤柱粥

最有驚喜是這個香橙燉燕窩, 大家都很飽, 但將這個食下去, 覺得很清新.  回家一定要試吓燉.

水果就沒布驚喜了.

埋單就更加驚喜, 呢餐都幾貴, 人仔九仟幾, 即係每位要千幾元.   不過平有平食, 貴有貴食, 咩都要試吓呢.

我地覺得的獅頭鵝幾好食, 我地訂了兩隻, 一開二,每家一邊, 仲要了十二斤牛丸, 一隻隆江豬手.  型爸還要了兩個鵝肝, 明天早上大約十一點半送到酒店.

食完一半人回去酒店休息, 而我同型爸及另外兩位就覺得好飽要去行吓.   酒店對面係Wal-Mart, 我就最鐘意行大型超市.   哈哈, 唔多唔少梗會買的野啦.  

食完行吓都真係幾好, 個胃當堂輕哂.   荷包輕咗的, 人都輕鬆的.