大熱天時打邊爐

May 23, 2014, Friday night

有時對著型爸都真係無附, 佢久唔久就話要打邊爐, 今日天氣咁熱, 佢一樣咁有興致.  再加埋二公子又係打邊爐fans, 二比一, 就算我係特別喜歡, 都唔會say no.

型爸仲自己一人去街市買野, 我無投訴啦.

 

呢個花尾躉翅走唔甩啦, 而家係我地打邊爐必買之一.

 

想食貴牛肉都未必有我賣, 三百幾文一斤嗰隻竟然無貨, 呢隻都要一百九十幾一斤.  牛肩對上.  都ok啦.

 

 

二公子鐘意的水魷牛栢頁

 

急凍枝竹

 

型爸竟然無買菜, 淨係買咗芫茜.

 

呢的牛丸就十分靚啦, 係我地响汕頭帶返嚟架.   的牛丸又爽又好味, 一的"騷"味都無呀!

我地仲有一個獅頭鵝肝, 諗著打邊爐切片食埋佢, 但都係覺得太鹹, 決定留起明天炒飯或炒米粉.

三個人, 夠唒食啦.   的牛丸同牛栢頁食唔哂添.

大熱天時開行冷氣打邊爐, 兩仔爺食得好開心呀!