南涌尤德亭鹿頸行山樂

May 1, 2016, Sunday

組長真係好精力, 佢話今日要行西貢東霸, 但我地大部份組員都唔同意呀! 

天文台話今日大雨, 仲有雷暴, 我地覺得今日只適合行短程, 如果行西貢, 最少要五六小時, 全程仲無遮無擋, 如果落起暴雨,  就算有雨傘, 肯定全身濕哂.

最後組長都係接納我地嘅意見, 行番其中一條"落雨路"就算啦!

每次去到南涌觀音廟, 都覺得景色好靚, 好多小白鷺聚集响另一面小島小島之中.

嚟呢道第一件事就係入廟拜神

行呢條路徑, 我地大約四十分鐘已經去到直昇機坪,

到回程時先去恊天官拜關帝

今日腳程快, 到我地返到觀音廟/天后宮都只唔使兩個鐘.

最後決定行多的, 由觀音廟行去鹿頸, 去幫襯陳鳳記, 呢段路大概要20分鐘

大家在陳鳳記食小小野再行返觀音廟.  

加加埋埋, 今日都行咗兩個幾三個鐘, 完全達到出哂汗嘅目的.

哈哈, 真係好似同老天爺講定數咁, 我地回程上車, 就開始落雨啦.