及時走地雞

May 15, 2016, Sunday

今日行完山好似有的攰, 晚餐唔想諗, 咁就同Cindy講雪櫃有河粉, 唔好放咁耐, 用雞絲洋蔥炒咗佢, 整多碟菜, 其他餸兩樣餸就自己諗啦.  

哈哈, 溝通有問題, 佢好似淨係聽到煮兩樣野.....

雞絲洋蔥炒河

焯韮菜花

跟著就係清補涼煲魚湯.

咁特別, 其他無煮啦, 我地係大餸王, 好清淡無選擇喎!

呢個世界, 真係有好多野好及時的.  林老闆打比型爸, 啱啱响國內返到嚟, 買咗隻浸熟咗嘅走地雞 (上次我地响潮汕食嗰間, 佢話見到佢地即劏即整, 新鮮又有雞味, 買咗幾隻返嚟派街坊).  好及時呀...

蒸都唔使蒸, 即時斬就食得....好正, 的雞用依韌有雞味, 好!


唔止呀, 仲攞咗兩條金古仔, 話朋友釣嘅, 正, 即刻蒸埋佢.

本來單調嘅一餐, 即時變符豐富....

多謝林老闆, 及時走地雞, 得閒就買多幾次呀!  hehehehe.....