雷暴警告下的行山天

April 24, 2016, Sunday

呢幾日天天不定時下雨, 天文台不斷發出雷暴警告, 攪到我地都唔知可唔可以去行山.

組長剛出差回來, 梗係好想行啦.   雖然天文台話十點有雷雨, 但早起來, 一的雨都無, 組長吹哨子....照常出發.

佢本來話今日行鹿頸, 尤德停, 再去新娘潭, 但我同型爸都覺得新娘潭落山那條路有危險, 況且呢幾天下過大雨, 的路一家唔好行, 如果落山時下大雨, 真係攪唔掂.   都係行鹿頸谷埔算啦.

去到觀音廟....吓停車場封咗

原來今日又有function, 呢道有齋菜食

我地諗應該係預慶天后誕, 因為呢道有間天后廟

我地見無雨, 都係快快行啦.

 

呢道多咗好多呢的大字報....唔會封咗某的地方唔比我地行麻

好快就去到松記, 我地兜一個圈就回程.

去到宋伯士多, 組長副組長想行多的, 佢地話再行多一圈, 咁我地就响呢道食碗豆腐花等佢地.

 

坐咗一陣, 到要行一百五十級樓梯回去, 隻腳有的軟呀!   回程開始落雨, 不過我地個個都有帶雨具, 無問題啦.  雨下吓停吓, 唔算好大, 無濕身.

我地真係好彩呀!  好似同佢傾掂數, 我地行完, 開車去到沙頭角海景餐廳, 先至落傾盤大雨...的雨大到打落屋頂好似行雷咁.

我地都大呼好彩, 如果行新娘潭, 呢段時間真係落緊山, 無遮無擋, 肯定會全身濕哂, 山泥濕滑, 好易跌倒. 

我地坐响道慢慢食, 等的雨停先走呀!

呢排家裡附近好多蠓, 行出去被咬到手腳都係, 一位新組員介紹呢款防蠓加蚊, 話卓悅有得賣, 快的去買番枝先.