Souffle午膳撐檯腳

May 8, 2016, Sunday 母親節

母親節係一個促進社會繁榮的節日, 餐廳, 酒樓, 花店, 蛋糕店, 早午晚都好好生意呀!

之前同奶奶食咗晚飯, 昨天又同媽媽飲茶, 今日就輪到我大哂啦....

嘻嘻, 亦都安排咗豐富節目.   哈哈, 不過唔係去行山, 因為組長約哂一家人同媽媽飲茶.  行山組休息一天.

二公子要上班,  今日午餐就唔煮啦, 型爸同我出去撐台腳.  今日very lucky, 開車出到上水, 即刻見到有一架車從咪錶位離開, 咁我地即刻有位泊, 唔使四圍搵位(停車場都滿呀!)


响上水, 稍為好的嘅西餐廳, 我都覺得就係呢間Souffle

的午餐都算ok啦, 由HK$58到HK$208

我地大約十二點去到, 已經有三四檯在等位.   後來聽到, 原來呢間餐廳有二樓, 咁點解唔快的開, 要咁多客响出面等呢!

 
都等咗十分八分鍾, 卒之帶我地上樓上, 上面只係坐咗兩檯, 我卒之明白, 佢地有位, 但人手唔夠, 只得三四個侍應, 要樓上樓下跑, 招呼呂到咁多客人呀!

我同型爸要一客意粉, 一客牛扒share 嚟食, 另外加了一份鵝肝

型爸要了餐湯

我要了沙律

龍蝦汁大蝦意粉, HK$68

澳洲穀飼牛肉眼扒, HK$128

鵝肝, HK$88

蒸餾咖啡....我今早在家飲了自家沖的貓屎咖啡, 呢杯真係範得唔好飲呀!  (味道真係無得比呢!)

午市抵食呀! 埋單HK$284.

跟著去街市買埋野就要返屋企啦.   組長太太加埋行山組另一位靚太, 仲有另一位舊雀友(兩年幾無同佢打過麻雀啦), 佢地早上同家人慶祝母親節, 下午就輪到我地四位母親就做手部運動.

哈哈, 組長太太未試過我部電動麻雀機呀!