再嚟焗燒腩

May 8, 2016, Sunday

上個星期, 用好短時 整咗兩條燒腩, 的皮卜卜脆 (只有頭尾唔夠脆).  今日我又再整一次.

昨天買了一條腩肉, 先用少許鹽, 胡椒粉, 五香粉同玫瑰露醃一晚.   用錫紙包好.  豬皮上放上粗鹽, 放入雪櫃一晚

今次用多一樣幫手, 就係呢的鐵籤啦.

為免焗焗吓年豬腩兩頭尾會捲起, 攪到的皮唔脆, 我索性用鐵籤固定四個角, 咁上面整塊豬皮都可以焗到啦.

唉, 但我顧著打麻雀, Cindy焗到件豬腩有的過火, 再加上切得太大件.   件燒腩都好味, 皮亦夠脆. 只係有的乾啦.

整得唔靚我無話佢, 焗到咁過火係因為焗完切好, 佢又放入焗爐, 佢話驚凍咗唔脆, 都係一片好心啫.   如果我搵櫈腳王櫈腳, 我去幫手煮飯, 咁結果可能不一樣.

但今天母親節, 諗著懶的唔想做麻.....唔緊要, 下次再嚟過.