組長家的火鍋晚餐

April 24, 2016, Sunday night

組長真係好嘅啫, 佢話上星期佢出差, 我地好好照顧組長夫人, 佢今晚買齊火錮料, 請我地一家去食呀!

真係好豐富, 海蝦, 象拔蚌, 鱔, 大魚頭, 九肚魚, 鯪魚肉, 肥牛, 鮮牛肉, 仲有枸杞, 唐生菜

組長話唔記得買粟米, 我馬上叫二公子放工返嚟順路買

組長突然有雅興, 要開紅酒...呢枝法國紅酒, Air咗次後越飲越好飲, 結果開咗三枝.

我無咩建樹呀, 淨係拎咗生果同甜品嚟.  自從買咗個開菠蘿神器, 我個個星期都買一個菠蘿.  其實食完都好飽, 組長仲不斷叫我食生果, 佢拎咗幾嚿榴出嚟, 係都要我食一嚿, 跟著又食提子.

咁我梗要佢地食番我煲嘅龍王杏木瓜黃耳糖水

都真係幾好味架.

的糖水食唔哂, 雪凍食都好好味架.