富園特式風味餐廳 - 上水清河村

August 11, 2016, Thursday

哈哈, 呢排無咩煮意呀!  今日Cindy放假, 放工就更加唔會煮啦.  平時食完飯, 我地就會開車去上水清河村, 泊低架車, 行番幾個圈散步, 捉精靈兼補給.   我地平時會嚟呢個村入面嘅超市買野, 唔嚟到都唔知有咁多補給站, 行得多先發覺呢個公共屋苑有咁多設施, 小朋友遊樂場, 藍球場, 羽毛球場, 好多休憩空間.   食肆就只得兩間, 一間係酒樓, 另一間係荼餐廳.

酒樓叫富金酒家, 而茶餐廳叫富園, 哈哈, 都唔知係咪同一個老闆呢!  今日索性嚟呢道食晚飯, 跟著就順便散步.

 呢間茶餐廳都幾大架

 

 仲有好多款式, 煲仔菜都有

未嚟食過, 心多多咩都試吓.

 皮蛋碎牛粥

 鹹肉糭
 

 干炒肉片河

 川辣雞煲

 蝦醬通菜鮮魷

 飯餐就包一杯飲品

屋村茶餐廳的租平的, 咁的野食咪應該平的?  但呢道又唔係喎!   呢道晚餐的單價貴過上水出面的茶餐廳, 份量又少的....最緊要係的味道仲麻麻.

滋味小廚的餸, 真係煮得好食好多, 就算要泊埋車, 的單價都比呢道平的呀!

不過點都要嚟幫襯過先知嘅.   睇吓張單其中一項又幾好笑....下丈通才先尤(蝦醬通菜鮮魷).