Pokemon Go瘋魔全球, 我地响加拿大時, 大公子同姪仔都已經玩緊. 當其時我們正在旅遊, 見佢地周圍行嚟行去, 覺得好奇怪, 點解的game要都無理佢地.
Pokemon 登陸香港, 7月25日開始, 二公子就開始狂捉精靈. 咁我見的人講到咁好玩, 都追上吓潮流, 响7月26日download咗個game嚟玩. 跟著就同二公子不斷捉精靈.
型爸本來都無玩嘅, 見我兩母子捉得咁投入咁開心, 型爸响7月28日又download埋個game.....哈哈, 開心囉, 全家人一齊捉精, 仲多咗的家庭樂時間. 晚飯後一齊開出去附近一個屋苑, 一齊散步, 補給, 捉精靈. 真可惜, 我家住我偏遠, 附近無補給站, 一定要出去. 我們家雖偏僻, 但都有好野捉, 那隻個個都要捉的啟暴龍, 就喺我地村口出面搵到, 哈哈, 我們一家都捉到.
平時食完飯, 二公子返房打機, 我同型爸就睇電視. 現在每日晚上食完飯就出去散步, 呢Pokemon Go係咪促進咗家庭樂呢!
嘻嘻, 我已Level 24
其他的Candy Crush, Candy Sody, Diamond digger, Farm Hero嘅手機遊, 全部都掉埋一邊啦.
哈哈, 我地同大公子嘅家庭group chat, 都係講緊捉到咩野精靈呀!
玩呢的遊戲, 無代溝架!
沒有留言:
張貼留言