牛角燒肉專門店

August 13, 2016, Saturday

今日去整頭髮, 哈哈, 真係老年咁遠去到香港仔....真係無辦法, 要心水的理髮師就要去到咁遠.
早上去完探媽媽又去哥哥家就已經幾個鐘, 過海又塞車, 去到香港仔已經係食午飯時間, 先醫醫肚.

車泊香港仔中心, 咦, 係呢道消費泊車半價喎, 今日起碼要泊四個小時, 相差好遠, 咁就响香港仔中心廣場搵間食肆食午飯先啦.

揀咗呢間牛角日本燒肉專門店

嘩! 咁大個前台走廊, 對人客來講等位就好舒服, 但呢的地方要交租都幾係呀!

入面都幾大, 但相對地, 條走廊就真係又長又大呀!

午市燒肉套餐, 加HK$9, 可以加一隻溫泉蛋落碗飯.  嘻嘻, 我同型爸都加呀!

電子落單, 都係要經理代勞

電子落單後, 都係會打印張單出嚟.

前菜

開爐啦!

咁熱天氣食燒肉, 都係整杯凍飲啦.

 

昆布湯, 溫泉蛋飯

隻溫泉蛋好靚呀!, 加咗落的飯好味呢!   我見型爸食得咁快, 分多三份一飯比佢.  哈哈, 型爸嘅食力比我好呀!

呢係特上和牛牛肋肉套餐, 其中中間兩塊係黑毛和牛呀!

呢款四品燒肉有豬, 雞, 牛, 肉腸

型爸負責燒, 我就負責食.   哼, 平時在家都係我煮比佢食, 出到嚟梗係要佢招呼我啦.

嘻嘻, 留番兩件和牛最後先燒呀!

食完仲有綠茶雪糕, 好味呀!

午市食燒肉真係好抵.

哈哈, 食緊野時, 呢道都有精靈捉及補給站.   但我去整頭髮嘅地方就咩都無...悶到死, 唯有睇雜誌啦.