Canada Trip - Day 8

July 7, 2016, Thursday

實在太累, 昨晚瞓得好好呀! 亦都可能係身體己經適應了時差, 調節到加拿大時間.

酒店的早餐比較簡單, 但足夠就得啦.   加拿大的Waffle 好好味, 烘吓少少脆仲好味的.  我們在三家姊屋企都有食, 搽花生醬鍊奶, 好味呀! 

食完早餐, 我地出發去Quebec 最大嘅國家公園.  呢個國家公圍, 開車都要兩個小時先行得哂.  我地無咁多時間, 只係入去睇睇, 遊湖兼睇瀑布.

臨離開Mont Tremblant, 我地停响公路邊, 落車影番張靚相

昨天行唔到去湖邊, 去到國家公園, 就去湖邊睇吓.

但天氣唔好又落雨, 我地影吓相就走啦.

景色好靚, 影番張Panorama, 相中人就係我四哥, 佢好鍾意釣魚, 見到個湖, 忍唔著又去車尾攞的釣魚工具去釣魚.   四哥咁鍾意加拿大, 就係佢每個星期都去釣魚.

 

行完湖就去搵瀑布.  哈哈, 其實去完Niargara Fall, 呢的就係小兒科.

天色唔好, 仲不斷落雨, 我地離開Mont Tremblant, 開車去Montreal.

去到Montreal, 大公子話帶我地去食呢道好出名嘅Poutine, 哈哈, 又係嗰的好多汁嘅薯條.   佢話試完Poutine仲可以去對面食燒雞.   姊夫即刻阻止我地, 佢話今晚要留番個肚食法國餐呀!

咁我地梗係聽話, 買咗兩客大家share 食, 好彩咋, 的Poutine的汁好鹹, 我就真係覺得唔啱口味啦. 不過大家都食到興高彩烈.

我們留意到Montreal好多人踏單車, 單車專用區仲好闊添.

跟著我地開車到酒店Check-in, 今晚住近China Town嘅Holiday Inn. 呀!

酒店客電梯大堂, 整個幅雙龍壁

我地放低的行理要出馬上出發, 因為訂咗位食法國菜呀!

今次呢間法國餐廳响酒店附近, 叫 Restaurant Bonaparte, 由Holiday Inn行過去, 大約行15分鐘就到, 我地用GPS, 要搵間餐廳無難度.   餐廳門口好細, 不過對出嚟嘅大堂就幾靚.  姊夫話呢間餐廳唔預訂, walk in 就多數無位.

今日咁高興, 開枝紅酒大家一齊飲.   間餐廳set檯打燈都好講究, 送上嚟嘅麵包, 要剛好放在射燈下.   本來我地都唔知, 後來見見佢地set隔離張檯, 先知道.

我們分別要了, 洋蔥湯, 沙律, 牛柳, 羊膝, 鴨胸, 魚......甜品...

 

總之就係美味及滿足的一餐

 

食完飯就去附近行吓教堂影吓相

再去唐人街行吓

今晚好高興, 附近攪咗個festival, 連續兩三條街都有表演.

行一陣我地都返酒店, 太多人聚集嘅地方唔想停留太耐, 有危險呀!