Canada Trip - Day 13

July 12, 2016, Tuesday

到溫哥華第二天, 今日要同的家人暫別兩天, 型爸的老外朋友, 會接我地去Whistler玩兩天呀!

我地呢個約會, 係四月時老外到香港約定的.   型爸的老外朋友住在美國, 但因為喜歡Whistler, 在那裡買了間屋渡假屋.

今次約咗佢地一家由美國飛嚟, 我地就由香港飛嚟溫哥華. 佢地已經到了Whistler幾天, 今天由Whistler開車落Richmond接我地.  順便去Costco入的食物.

由溫哥華去Whistler, 要兩個多小時, 不過大家傾吓講吓好快就到.

已經下午一點幾, 佢地提議去呢間日本餐廳Samurai食壽司

哈哈, 呢間唔似係正宗日本人開(又或者已經外國化變得fusion), 的食物及手工粗糙的啦.

 

跟著開車到佢地間屋.....嘩, 我好鍾意呀! 全木製造!!! 好似拍戲的屋.

 

門口有小態公仔歡迎我地

入面好大, 但舥得好warm 呀!

的橫樑係原條好大的木.....

寬闊的廚房, 仲有好大個island

舒適的客廳

飯廳及露台

最特別係佢地為咗我地, 趕工完成地庫裝修, 整成一個獨立的Studio Suite, 好正呀!

整個Studio見唔到張床, 因為收埋响個櫃入面.  只要打開個櫃, 拉張床落嚟就得

响個Studio Suite 出面仲有個按犘浴池, 哈哈, 我地只係住一晚, 唔好攪咁多野啦.

見到佢地客窗放咗一隻小鸚鵡, 佢地話以前好多雀仔喺窗外停留, 外面走廊好多雀屎, 自從買了這小鸚鵡放在窗邊, 所有的雀仔不再在這停留....哈哈, 估唔到咁有用.

在露台望下去, 老外太太指著那堆黑色的東西, 佢話全熊人的便便.  昨天下午, 佢地見到有隻熊人出沒,  她正在跟鄰居談話, 那熊走近了一點, 她們馬上進入屋內....嘩, 咁刺激!   我地住地庫, 對出便是後園草地, 隻熊應該唔會再來探訪吧!

跟著老外兩夫婦帶我們出Whistler市中心行吓

嚟到呢道有的Mont Tremblant嘅感覺,  冬天的滑雪場, 夏天變了越野單車場, 又係要坐吊車上山.

呢道好多渡假屋及酒店

我地跟著行去Market Place, 呢道好多商店, 有紀念品賣.   可過係旅遊區, 的野麵幾貴呀!

 

呢間專賣由蘋果做的甜品, 批類

呢道有個圖騰

仲有個奧運紀念公園.

行咗兩個小時, 老外太太去cake shop買咗甜品, 跟著就返去整晚飯

我同型爸係客人, 唔使做就有得食.

呢的shirmp Cocktail, 今早响Costco買, 一打開就食得.

老外太太整另外一款小食及意粉時, 老外就在外面燒牛仔骨

餐檯差呂多set好啦.

小食係水牛芝士車厘茄

 

蒜蓉Focacia

今晚的晚餐, 甜椒牛仔骨意粉

 

餐後仲有甜品及低因茶 (老外太太真的很細心)

呢餐晚餐食得好開心, 好warm呀!

食完大家傾吓謁, 老外拎咗一隻肚子有個豆袋, 散發出薰衣草味的小熊公仔, 我攬著他, 聞著那薰妄草味, 已經開始想睡.

由多倫多嚟溫哥華, 有三個小時時差, 只不過係晚上十點, 但已是多倫多零晨一時, 很累, 我們梳洗便去睡.