南涌谷埔+ 泰國廚房

October 9, 2016, Sunday

星期天, 行山天, 早上八時四十五分出發.   今日人少, 只有四人成行.   好幾位組只請假, 包括組長夫人.   組長的女兒今天下午飛機回英國, 做媽媽的要黐著個女多幾個鐘呀!

組長, 副組長, 仲有我同型爸.  我的腳傷未好, 一樣繼續行, 算係好大支持.   佢地都好體諒, 行海邊

其實我地都只係想行吓出身汗啫.

秋高氣爽好大風呀!

大約一小時我地行到松記

組長同副組長話佢地兜入行遠的, 但我同型爸話我地夠啦, 唔兜入去啦.

我地去宋伯士多

食碗豆花, 整串燒賣等佢地.

的豆花好滑, 加咗黃糖, 好味呀!

回程又見呢堆牛陣

見到又多咗兩隻衫生牛BB, 應該出生無耐

行咗兩個幾鐘, 我都覺得好攰呀!

行完組長去關帝廟上香, 跟著去食午飯, 約埋組長夫人同女兒.

正午十二時去到粉嶺泰國廚房....做咩黑麻麻嘅....未開門....睇吓個牌, 12:00 應該開門喎 (當時已經12:08).... 當我地以為佢盟咗門....;跟著有侍應開門.....好彩, 佢地只係慢咗的啫.

入到去就火猛哂.

我地係第一檯, 另外有一檯同我地一齊入去.

六個人要了泰式生蝦

冬蔭公湯

炒椰菜苗

半隻海南雞

肉鬆生菜包

炸蝦餅

咖哩牛肉配蒜蓉包

今日型爸請客, 當係同世姪女餞行啦..