梧桐寨 + 金疊餐廳

September 25, 2016

今又一早集合, 我地出發去梧桐寨瀑布

行梧桐寨, 型爸唔係好想我行, 因為路程崎嶇, 驚我行唔到.   我腳患未好, 但又唔好意思每次都要其他組員遷就.   咁我同型爸講, 我地只行兩個瀑布, 去到中瀑就算, 其他組員上主瀑我地就在中瀑等佢地啦.

由泊車處去到萬德苑都有的索氣.   哈哈, 估唔到呢道都有補給站, 有精靈捉.  不過呢道的電訊接受唔係咁好, 想打館都唔得呀!

行過萬得苑就開始山路

呢道係大帽山郊野公園的一部份

經過井底瀑, 我地無落去, 下面嘅瀑布唔靚呀!

跟著去到中瀑

呢道靚的.   我地留响呢道, 其他組員就繼續上主瀑, 剩低型爸, 我同副組長太太.

坐咗一陣, 我地回程慢慢行, 的山路又斜, 石級又高, 對我嚟好吃力, 對腳越行越痛.  型爸講得啱, 呢道真係唔適合我行, 下次都係唔好勉強.

我地落到山, 打吓道館, 時間好快過, 跟著上車涼冷氣等佢地.

由梧桐寨去錦田好近, 組長提議去金疊食午飯

十幾分鍾就到...  無咩人, 大把位, 不過我地三架車, 泊車就無咩位.

好肚餓, 食個麵包先

我地七個人, 共中一位新組只話食唔到一個餐, 我地話叫三份四個人share, 另外三個每人要一份餐

一份餐前沙律

型爸要的芝士焗海鮮飯

組長要了炸德國豬手

我要了咖啡牛肉配薄餅

型爸組長要了啤酒

另外三位要了兩客牛扒及咖哩牛肉薄餅

甜品有咖啡布丁

仲有紅豆雪糕.

呢餐唔平呀, 每位要HK$225. 

响呢區, 呢間餐廳都算貴, 唔怪得之唔滿座啦.