龍記

September 22, 2016, Thursday

慢魔魔去咗旅行, 今日只得我同麻煩鬼一齊食午飯.  我地兩個都唔覺得肚餓....哈哈, 決定去訊號山公園捉吓精靈先.   係呀, 好多人無玩架啦, 但我同型爸都仲係樂在其中, 玩到超過30level.  而麻煩鬼亦都係好勤力捉緊, 但佢就未有咁高level.

捉到一點半, 就要搵的快靚正去食.  麻煩鬼話不如去龍記食大大粒雲吞...好耐無食過, 又好喎.

龍記由河內道搬咗去赫德道....裝修都靚咗的

搬咗, 價錢當然加咗, 全部麵食三十文起

麻煩鬼要了雲吞粗麵, HK$30

我就要了大大粒鯪魚球麵 HK$30

我同麻煩鬼交換兩粒, 咁就變成雙拼....哈哈, 慳幾文呀!

的鯪魚球好味, 的雲吞入面的蝦好大隻又爽, 好味!

另外一提就係佢地的辣椒油, 好夠辣, 如果買一樽要HK$70.   食得辣就落多兩匙羹啦.