歐意餐廳 - 3

October 18, 2016, Tuesday

Cindy話今日有鄉里由緬甸返嚟, 想放假...無所謂, 要放咪放囉.

咁放工問二公子想食咩....仍又嚟歐意....

咁我同型爸都無咩所謂, 歐意就歐意啦.

不過我唔想食鐵板餐啦

我要了忌廉黑松露意粉, 清清地又幾好味

型爸要了德國豬手....呢款煮法唔得呀, 的肉好似烚完湯再煮, 的皮亦唔脆

二公子要了釀墨魚意大利飯, 又幾精緻, 但份量就少的

咁呢道係平民西餐, 又幾抵食嘅.

不過阿仔, 呢間食咗幾次我有的厭啦, 你食厭未?