September 16, 2015, Wednesday
浸完溫泉食完午飯, 我地去下一景點:
大阪市立科學館
因為我地張周遊卡係兩日劵, 唔可以坐私鐵京阪線. 多謝站務員叔叔比咗張地鐵路線圖, 淨係show咗我地可以坐嘅地鐵線, 咁就唔會攪錯.
坐堺筋線, 由天神筋六丁目站, K11 坐到K15,
再轉中央線C17 到C16,
再轉四橋線Y13 到Y12肥後橋站.
好似好轉折, 但只要睇得明地鐵路線圖就搵得到.
去到3號出口就見到指示
睇地圖唔容易, 我都係用個google map教我地點行.
見到啦. 市立科學館同國立美術館就响前面.
入到去, 先換入埸劵
如果無周遊卡要JPY400, 咁我地有卡就免費啦.
其實有的都幾有趣, 但又真係無癮
因為除咗洗手間個牌有外語之外, 全部都係日文.
唔識日文, 當然無咁有趣, 但都可以周圍行影吓相.
臨離開前, 見到呢個學天則像, 傍則有介紹(但我唔識睇), 唔知係咪日本古時嘅科學家呢!
跟著我地又去下一站啦.
其實科學館對面就係國立美術館, 但呢道唔係免費, 只係有優惠. 免費嘅都去唔切, 咁呢道唔入去啦, 响門口影張相算啦.
下一站係上方浮世繪館
呢次交通好容易, 坐四橋線, 由Y12 到Y15, 難波站出,
出地鐵後行去道頓堀方向
都係靠手機Google map function, 搵到呢間上方浮世繪
入到去先換張劵, 無周遊卡, 入埸要JPY500
平時相信好多人, 樓梯有長櫈, 應該用嚟等入場. 但我地今日係直行入去, 先上三樓再落番嚟
因為無咩人, 我地好快就睇完(講真, 對呢的江戶時代人物繪畫, 真係無咩興趣, 好彩係免費)
行到落嚟係間小商店
呢個係另一入口, 不過經過呢道都唔會知係上方浮世繪嘅入口.
五點幾, 我地再去下一個景點.
道頓堀水上觀光船. 呢個景點開到晚上九點, 慢慢行去都未遲
用Google Map search行過去. 一見到激安之殿堂, 地下右手面就係換船票嘅地方.
如果無周遊卡, 坐船要JPY900一位呢.
票務處望出去, 就係上船的碼頭
呢個時候, 上一班船嘅乘客回來啦. 大家好似好專注, 個個都臉露笑容
沿著河邊駛過, 經過了好多條橋. 那位導賞小姐真係好落力, 全程熱情介紹, 不過我地都唔知佢講咩. 船上有十幾二十人, 分別有中國, 香港, 台灣, 韓國人, 只有一位日本人. 但那小姐只識講日文. 但佢好識攪氣氛, 久唔久講一兩句英語. 臨上船時佢教我地拍手, 咁出嚟玩都係開心啫, 跟著佢一齊拍. 而家明白點解上班船嘅乘客都臉露笑蓉啦.
整個船程大約30分鐘. 天氣清涼, 好舒服. 正值黃昏時間, 我地好似由天光坐到天黑咁.
離開時見到一蘭拉麵排嘅長龍不斷. 仲有好幾間賣墨魚丸子嘅都好好生意. 呢的墨魚丸子, 我一的都唔覺得好食, 唔會幫襯呢!
我地安排今日下午行程响道安頓堀, 因為晚上訂咗响呢道食飯, 同一區, 唔駛坐車騰來騰去.
訂咗呢間叫Zuboraya 日本一餐廳食河豚.
每次嚟日本都想食一餐河豚, 因為香港無得食. 但真係咪覺得咁好食, 哈哈, 咁又唔係.
餐廳門口個牌寫到咁平嘅, 真係咁抵食.
不過入到去又係兩回事, 嗰個waiter不停游說我地話貴的嗰份餐的魚係天然(即係野生?), 好食好好多架. 型爸又係本著出嚟食野食好的, 又叫咗份最貴嘅 JPY10,800, 哈哈, 即係double價錢. 不過我地今次聰明的, 只叫一份share, 再加其他.
呢份唔錯
型爸又想食白子, 再叫一客大魚生...夠哂啦.
型爸要了啤酒, 我要了梅酒. 都係昨晚利久飲嘅黑糖梅酒好味的.
河豚餐嘅前菜
河豚刺身
特製醬汁, 但偏酸, 我地覺得麻麻
另外叫的白子
又是另外叫的燒河豚
火鍋河豚骨腩
有張中交說明教如何食河豚火鍋
哈哈, 佢唔教我地都識食啦
開始時一輪急趕咁上的食物, 好似好匆忙, 我即刻要佢停, 我想慢慢食, 今日已經行咗六個照點, 好攰, 一的都唔要趕.
之前嘅酸醋汁我地唔係咁鍾意, 反而呢款芝麻汁又ok
極上刺身都到啦, 不過食落覺得的魚生都好一般.
跟著仲有跟餐嘅燒白子同炸河豚
最後係魚湯蛋泡飯
呢樣係我在河豚餐入面覺得最美味
但今次好失望, 那位waiter只是隨便加了點醬油, 一的味都無.
甜品有蜜瓜
埋單JPY18,310. 都唔貴, 但我地覺得的野整得一的都唔好食. 下次唔會幫襯呢間. 上次在法善寺, 仲有東京食嗰間都好過佢.
呢道附近仲有好多間食河豚, 下次要去第二間試吓.
食完行吓Daiso, 心齋橋藥妝店, 但太多人, 我地都唔想行啦. 就算買咗, 都要排隊比錢, 其實我地已經好攰, 要買明天响梅田買啦, 每日都經過一間藥妝店, 價錢應該都係差唔多啩.
我地返梅田, 繼續用張周遊卡, 搭免費車呢!
呢程好簡單, 坐御堂筋線, M20難波到M16梅田
今日行咗6個景點, 超額完成, 賺哂啦. 不過勁攰, 返到酒店, 睇吓型爸隻手錶, 今日共行咗兩萬八千多步...新紀錄呀!
今晚好好休息, 明天繼續......
沒有留言:
張貼留言