乾鮑蝦子麵

August 29, 2015, Saturday

上次去觀塘工廠區shopping, 行行吓見到大喜慶開咗間樓上鋪.  幫襯買咗的野食.   型爸見到張leaflet, 如果上佢地facebook比個like, 送兩個麵餅.   咁就比個like啦.

今日整咗呢兩個免費蝦子麵

 

都有一排無食乾飽,  今日要嚟配蝦子麵

食呢的炆好哂嘅乾飽好容易.   的汁都已經炆好入冰箱, 只要加在鮑魚面

加蓋入蒸爐燉熱就可以.  唔可以明火再煮, 唔係就會變韌.

麵煮鬆, 菜烚好

加飽魚加鮑汁就得啦....

的鮑魚好似年糕咁....正.  咁個大喜慶蝦子麵都唔錯, 唔好睇佢細細個麵餅, 煮鬆好都好多.

想惹味的....加的大孖勁辣椒油啦.