酷熱天氣下的行山嘉年華

September 6, 2015, Sunday

立咗秋差不多一個月, 天氣仲係好熱, 呢兩日仲要酷熱天氣警告.

好天曬, 落雨濕, 喜歡行山嘅人, 都寧願曬唔願濕.

都唔知係唔係前兩星期都落雨, 好多人都無得行山, 今個星期好天, 懶理酷熱天氣, 齊齊出動.
天氣雖然熱, 但只要行林徑就無問題, 熱唔緊要, 只要呂好曬著嚟行就得嘞.

 
當我地去到大埔滘林徑, 都只不過係早上八點半左右, 嘩, 已經咁多人出動.   有的上咗年已嘅老人家, 個個著哂隊服一齊行.   呢條林徑行咗咁多次, 今次係見到最多人的一次.


我地繼續我地嘅選舉, 紅路加藍路.

今次我要加快步伐, 唔要慢慢行, 行快的練好的心肺工能, 預備再行梧桐寨呀!   上次行谷埔鳳坑已經加快腳步, 今日繼續練呀!

通常頭段都係上斜, 盡量一口氣行上去, 唔好抖咁多.   林徑好多地方都見唔到陽光, 幾日前落過雨, 泥地都仲有的濕.

不過行到紅路尾段, 我地偷步呀! 攀爬一條知知的引水道, 可以慳大約10-15分鐘路程.

呢條引水道好斜, 大約45度, 要手腳共用爬上來.   以前行咁多次其他團員偷步, 我都無咁做, 今日要試吓.

偷咗步就唔使行呢條大斜路.  呢條大斜路又曬又斜唔好行.

 

 偷完步仲要行一段大斜路先上到去大休息亭.   又有好多人在休息.

哈哈, 又比我地响呢道見到早上著哂隊服嘅老人家.  早上响紅藍分义路各向一邊行, 現在休息站相遇.  

休息幾分鐘飲啖水, 我地又向藍路出發.

我地今日嘅步速又快咗, 紅路加藍路唔使兩個小時.  呢個時間並無計算由大埔公路行至起點來回, 雖要大約30-40分鐘.    今日全程共行了兩個半小時....又快咗啦.

十一點幾便行完, 組長約咗女兒食午飯, 我地各自回家食午飯.

返屋企食就簡單啦.

昨天去超市買咗的灣仔碼頭韮菜餃, 今日就煎嚟食.

呢的水餃比煎餃睇落細隻的, 但的餡料足, 夠飽滿.   上次買新出嘅煎餃大隻的, 但餡料唔夠飽滿, 大隻咗都係食多的餃子皮, 哈哈, 咁無著數喎.

一包家庭裝有40隻, 型爸要食25隻, 我食15隻...啱啱好.