野生牛肝菌無花果豬骨湯

September 12, 2015, Friday night

今日睇電視台一個節目, 講緊近來無花果炒到好貴, 因為來貨少.   突然醒起, 上次响一田買咗兩盒野生牛肝菌無花果湯包, 今日煲嚟飲都好喎.

 上次一次過買兩盒有優惠, 但係幾多錢一盒就完全唔記得啦.

買時嗰位姐姐講到好好架, 咁我見呢兩樣都唔會唔好架啦.  但呢盒湯主打係野生牛肝菌, 唔係無花果

先洗淨的牛肝菌

再用500ml 暖水浸的牛肝菌

的牛肝菌炆, 燉, 煲都得, 咁呢盒係湯包, 咁梗係用嚟煲啦.

入面有薏米百合, 中間嗰包黑色係無花果, 有4粒.  跟著一包牛肝菌

入面仲有有張leaflet介紹幾款不用牛肝菌, 仲有食譜.

洗完浸咗的牛肝菌

亦都浸埋的薏米同百合

豬筒骨同瘦肉跑活水, 跟著放入煲內

將所有材料放入, 連浸牛肝菌的水, 我共加了1.5ml水.

用個萬能煲, 一按製就得.  Cindy係愛上咗呢個煲, 真係慳咗好多時間呀!

因為唔係落咗好多水,  煲起只有呢一湯碗.   的湯煲起好濃, 但味道清甜.

買呢的湯包有時都幾好, 咩都唔使諗, 加的豬骨同瘦肉, 一煲就得.